الماتىدا ەكسترەميستىك ۇيىمعا قاتىسى بار ءۇش كۇدىكتى ۇستالدى
08:00, 03 - ماۋسىم 2019
الماتى. قازاقپارات - الماتىدا ەكسترەميستىك ۇيىمنىڭ قىزمەتىنە قاتىسقانى ءۇشىن كۇدىكتى ءۇش ادام ءۇي قاماۋىندا الىندى، دەپ حابارلايدى «قازاقپارات» ح ا ا ءتىلشىسى.
«الماتى پوليتسيا دەپارتامەنتى ق ر ق ك 405-بابىنىڭ نەگىزىندە «ەكسترەميستىك ۇيىمنىڭ قىزمەتىنە قاتىسۋ» بويىنشا قىلمىستىق ءىس قوزعادى. كۇدىكتى و. شەۆچۋك، ج. دەمەۋوۆا جانە ازاماتشا گ. جاۋكەروۆاعا بۇعان دەيىن بىرنەشە رەت زاڭ بۇزۋشىلىقتىڭ سالدارى ءتۇسىندىرىلىپ، اكىمشىلىك شارالار قولدانىلعان بولاتىن»، - دەپ حابارلادى الماتى پوليتسيا دەپارتامەنتىنىڭ باسپا ءسوز قىزمەتى.
الايدا، اتالعان تۇلعالار زاڭ تالاپتارىن بىلە تۇرا، تىيىم سالىنعان ەكسترەميستىك ۇيىمداردىڭ قوعامعا جات ارانداتۋشىلىق ارەكەتتەرىنە ارالاسۋدى ۇدايى جالعاستىرىپ كەلگەن. جينالعان تىكەلەي دالەلدەمەلەر نەگىزىندە، 31 -مامىردا، الماتى تەرگەۋ سوتى قاۋلىسىمەن كۇدىكتىلەرگە ءۇي قاماعى تۇرىندە الدىن الۋ شاراسى قولدانىلدى.
قازىرگى ۋاقىتتا قىلمىستىق ءىس بويىنشا قاجەتتى تەرگەۋ امالدارى جۇرگىزىلۋدە.