ديماش قۇدايبەرگەن «جاڭا تولقىن» بايقاۋىندا شاقىرىلعان قوناق رەتىندە ونەر كورسەتەدى

 نۇر-سۇلتان. قازاقپارات - ديماش قۇدايبەرگەن سوچيدە وتەتىن "جاڭا تولقىن" بايقاۋىندا ونەر كورسەتەدى.

 ءانشى بايقاۋدىڭ ءبىرىنشى كۇنى 24 - ماۋسىمدا شاقىرىلعان قوناق رەتىندە ءان سالادى. ديماش قۇدايبەرگەننەن بولەك سول كۇنى ساحنادا فيليپپ كيركوروۆ، اننا نەترەبكو، يۋسيۆ ايۆازوۆ، Maruv, ەگور كريد، يرينا اللەگروۆا، ۆالەريي لەونتيەۆ، ديما بيلان جانە تاعى دا باسقا انشىلەر ونەر كورسەتەدى.

 سونىمەن قاتار، ءانشى مينسكتە وتەتىن II ەۋروپالىق ويىندارىندا جاڭا ءانىن شىرقايدى. اشىلۋ سالتاناتى 2019 -جىلدىڭ 21 - ماۋسىمىندا وتەدى. ونىڭ ۇستىنە ديماش قۇدايبەرگەن ەلوردادا 29 - ماۋسىمدا "استانا ارەنادا" وتەتىن كونتسەرتىنە دايىندالىپ جاتىر.

جاقىندا حالىقتىڭ سۇيىكتى ۇلى dimashinfo.com دەپ اتالاتىن رەسمي ۆەب- سايتىن ىسكە قوستى. تالانتتى ءانشىنىڭ ءومىرى مەن شىعارماشىلىعىنان حابار بەرىپ وتىراتىن بۇل جوبا بۇرىننان بەرى سۇرانىستا جۇرگەن بولاتىن. ەندى، سۇيىكتى انشىلەرىڭىز تۋرالى ناقتى، تەكسەرىلگەن اقپاراتتاردى الىپ وتىرۋلارىڭىزعا بولادى.