«ءدىني تاجىريبە كەزىندەگى مي تۋرالى زەرتتەۋلەر جۇرگىزەتىن نەيروبيولوگ ەندريۋ نيۋبەرگتىڭ ايتۋىنشا، ءدىني سەنىم راسىمەن مي قۇرىلىمىنا اسەر ەتىپ، جۇيكە فۋنكتسيالارى وزگەرەدى» دەپ جازادى اۆتور.
ونىڭ جازۋىنا قاراعاندا، نيۋبەرگ پەن ونىڭ كومانداسى ناماز وقىپ وتىرعان نەمەسە مەديتاتسيا جاساپ جاتقان ادامداردىڭ ميىن سكانەردەن وتكىزىپ، مۇنداي كەزدە ميدىڭ ەكى بولىگى دە بىردەي بەلسەندى جۇمىس ىستەيتىنىن انىقتاعان.
«ءدىني سەنىمدى ءتۇسىندىرۋ ءۇشىن ادامزات ميىنىڭ جۇمىس ىستەۋىنە ءمان بەرۋ كەرەك» ، - دەيدى «ءدىندى ءتۇسىندىرۋ» كىتابىنىڭ اۆتورى پاسكال بويەر.
«مىسالى، ادام بۇتاقتار اراسىندا تۇرىپ، دىبىس ەستىسە، ونى جەلدەن بولدى نەمەسە جىرتقىش كەلە جاتىر، قاشۋ كەرەك دەپ تۇسىنەدى. ەۆوليۋتسيا تۇرعىسىنان ەكىنشى وي ماندىرەك. سەبەبى ەگەر راسىمەن جەل بولسا، ءسىز ەشتەڭە جوعالتپايسىز. ال جىرتقىش اڭ كەلىپ، ءسىزدى جەپ قويسا، ەشتەڭە ىستەي الماي قالار ەدىڭىز. دجاستين باررەت اتتى كوگنيتيۆتى عالىم ءدىني سەنىمدەرگە نەگىزدەلگەن كوگنيتيۆتى ارەكەتتەر تۋرالى زەرتتەۋلەر جۇرگىزگەن. عالىمنىڭ ويىنشا، ءدىني سەنىم جۇيكە اناتومياسىندا بىرنەشە تۇرگە بولىنەدى. ال ەرىك جىگەر مەن نيەتكە بايلانىستى ويى بار ادامعا ءدىن تابيعي تۇردە كەلەدى» دەپ جازادى اۆتور.
ونىڭ پايىمىنشا، مورالدىق ينتۋيتسيا تۇسىنىكتى بولعانىمەن، ونىڭ قالاي پايدا بولعانىن ءتۇسىندىرۋ قيىن.
«مەنىڭ ويىمشا، رۋحاني سەنىمنىڭ جوعالۋى مۇمكىن ەمەس» ، - دەيدى عالىم فرانس دە ۆاال.
بۇل رەتتە ول بۇگىنگى تاڭدا دوكترينا مەن يەرارحياسىز ءدىن كەڭ جايىلىپ كەلەتىنىن العا تارتادى. كوپتەگەن زەرتتەۋشىلەردىڭ دە ايتۋىنشا، باتىس ەلدەرىندە شىركەۋ مەن مەشىتكە بارۋ كورسەتكىشى ازايعانىمەن، رۋحاني سەنىم ارتىپ كەلە جاتىر.
«رۋحانيات اينالاداعى ادامدارمەن، تابيعاتپەن بايلانىسقا نەگىزدەلگەن قۇندىلىقتار. 2017 -جىلى 15 باتىس ەلىندە جۇرگىزىلگەن زەرتتەۋ ناتيجەسىندە ادامداردىڭ% 64 ى ءبىر كۇشتىڭ بارىنا سەنەتىنىن، ءبىراق دىنگە كىرمەيتىندەرىن ايتقان» دەپ جازادى اۆتور.