ا ق ش ۆيزاسىن العىسى كەلەتىندەر الەۋمەتتىك جەلىلەرى تۋرالى اقپارات بەرەتىن بولادى
بۇل تۋرالى ا ق ش مەملەكەتتىك دەپارتامەنتىنىڭ وكىلى مالىمدەدى، دەپ حابارلايدى قازاقپارات ءتىلشىسى The Hil-گە سىلتەمە جاساپ.
جاڭا تالاپ بويىنشا، ۆيزا الۋعا ءوتىنىش بەرۋشىلەردىڭ كوپشىلىگى، ونىڭ ىشىندە ەلگە ۋاقىتشا كەلگەندەر مازىردە الەۋمەتتىك جەلىلەردەگى سايكەستەندىرۋ دەرەكتەرىن، سونداي- اق وزگە دە ساۋالنامالىق دەرەكتەردى كورسەتۋى ءتيىس.
ەگەر ۆيزاعا ۇمىتكەرلەر الەۋمەتتىك جەلىدە تىركەلمەگەن بولسا، سولاي دەپ كورسەتە الادى. ا ق ش وكىلى ءوتىنىش يەسى الەۋمەتتىك جەلى تۋرالى جالعان اقپارات بەرەتىن بولسا، ونىسى «كەرى سالدارعا» سوقتىرۋى مۇمكىن ەكەنىن ەسكەرتتى.
ازىرشە مازىردە الەۋمەتتىك جەلىلەردىڭ نەگىزگى سايتتارى عانا كورسەتىلگەن. ءبىراق ا ق ش مەملەكەتتىك دەپارتامەنت وكىلى ءوتىنىش بەرۋشىلەردىڭ وزدەرى پايدالاناتىن بارلىق سايتتاردى كورسەتە الاتىنىن حابارلادى.
«بۇل ا ق ش- قا كىرۋگە رۇقسات الۋعا تىرىساتىن شەتەل ازاماتتارىنا مۇقيات تەكسەرۋ ورناتۋداعى ستراتەگيالىق ماڭىزدى قادام. اسىرەسە ا ق ش- قا لاڭكەستەردىڭ، قوعامدىق قاۋىپسىزدىككە ءقاۋىپ توندىرەتىن ادامداردىڭ جانە باسقا دا ءقاۋىپتى ادامداردىڭ كىرۋىنە جول بەرمەۋ ءۇشىن ماڭىزدى قۇرال بولماق» ، - دەدى ا ق ش وكىلى.
امەريكا الەۋمەتتىك جەلىلەر تۋرالى سايكەستەندىرۋ دەرەكتەرىن ءومىرباياندىق دەرەكتەر بازاسىنا ەنگىزگەلى وتىر. ياعني، ول دەرەكتەر ۇنەمى ا ق ش ۇكىمەتى قالىپتاستىرعان ىزدەۋدەگىلەر تىزىمدەرىمەن سايكەستەندىرىلىپ وتىرادى دەگەن ءسوز. بۇعان قوسا، ۆيزاعا ۇمىتكەرلەر ءوز ساپارلارى تۋرالى تولىق اقپارات بەرۋگە مىندەتتى بولادى.
بۇل شەشىمدى ا ق ش پرەزيدەنتى دونالد ترامپ 2017 -جىلدىڭ ناۋرىز ايىندا قول قويعان جارلىقتىڭ ناتيجەسى دەپ اتاۋعا بولادى.
مەملەكەتتىك دەپارتامەنت ۆيزا بەرۋ تارتىبىنە جاڭا تالاپتار ەنگىزەتىنىن 2018 -جىلدىڭ ناۋرىز ايىندا رەسمي تۇردە جاريالاعان بولاتىن.
پرەزيدەنت دونالد ترامپتىڭ جاڭا جارلىعى «ۇلتتى شەتەلدىك تەرروريستەردىڭ ا ق ش جەرىنە كىرۋىنەن قورعاۋ» دەپ اتالدى.