ەلوردا اۋەجايىندا ماشينا ورتەندى

 نۇر- سۇلتان. قازاقپارات - «نۇرسۇلتان نازاربايەۆ» اۋەجايىنىڭ اۆتوتۇراعىندا كولىك ورتەندى، دەپ حابارلايدى «قازاقپارات» ح ا ا اۋەجايدىڭ باسپا ءسوز قىزمەتىنە سىلتەمە جاساپ.

«بۇگىن 10 ساعات 28 مينۋتتا ەلوردالىق اۋەجايدىڭ ورمان بەلدەۋىندەگى تەگىن اۆتوكولىك تۇراعىندا جەڭىل اۆتوكولىكتەن ءورت شىقتى. ءورت ءسوندىرۋ بريگاداسى ءۇش مينۋتتان كەيىن وقيعا ورنىنا كەلدى. ءورت 10 ساعات 39 مينۋتتا ءسوندىرىلىپ ءبىتتى» ، - دەپ حابارلادى باسپا ءسوز قىزمەتى.

 ءورتتىڭ شىعۋىنا جانارماي سورعىشتاعى قىسقا تۇيىقتالۋ سەبەپ بولعان. ءورت كەزىندە كولىكتىڭ جانىندا يەسى مەن ەلەكتريك بولدى.

 «ءورت سوندىرۋگە بارلىعى 2 تەحنيكا مەن اۋەجايدىڭ ءورت ءسوندىرۋ جانە اۆاريالىق- قۇتقارۋ قىزمەتى جەكە قۇرامىنىڭ 6 ادامى قاتىستى» ، - دەپ حابارلادى باسپا ءسوز قىزمەتى.