تاتارستاننىڭ حالىقارالىق اۋەجايىنا عابدۋللا توقايدىڭ ەسىمى بەردى
22:10, 31 - مامىر 2019
قازان. قازاقپارات - «قازان» حالىقارالىق اۋەجايىنا تانىمال تاتار اقىنى عابدۋللا توقايدىڭ ەسىمى بەرىلدى، دەپ حابارلايدى قازاقپارات «تاتار- ينفورم» اگەنتتىگىنە سىلتەمە جاساپ.
بۇگىن ر ف پرەزيدەنتى ۆلاديمير پۋتيننىڭ 2018 -جىلدىڭ 28 - قاراشاداعى «جەكە گەوگرافيالىق نىساندارعا وتانعا سىڭىرگەن ەڭبەگى بار تۇلعالاردىڭ ەسىمدەرىن بەرۋ تۋرالى» بۇيرىعى جاريالانعاندىعى تۋرالى بۇعان دەيىن حابارلاعان بولاتىنبىز.
عابدۋللا توقاي - تاتار حالىق اقىنى، ادەبي سىنشى، پۋبليتسيست جانە اۋدارماشى. ول تاتار ءتىلى مەن ادەبيەتىنىڭ نەگىزىن سالۋعا اتسالىسىپ، پوەزيا مەكتەبىن اشقان. بۇكىل عۇمىرىن تاتار حالقىنا قىزمەت ەتۋمەن وتكىزگەن.