تۋريستىك اگەنتتىكتى العاش كىم اشتى؟

 نۇر- سۇلتان. قازاقپارت - جاز ايلارىمەن بىرگە دەمالىس ۋاقىتى دا جاقىندايدى. ءبىر جىل بويىنا تىنىمسىز تەر توككەندەر، ەڭبەك دەمالىسىن اسىعا كۇتەتىنى انىق. دەگەنمەن، جاعاجايدا دەمالۋ مەن تۋريستىك اگەنتتىكتەردىڭ نەگىزىن قالاعان كىم ەكەنىن ويلاپ كوردىڭىز بە؟

 1. ۋيليام كلارك - جاعاجايدا دەمالعان العاشقى ادام ۋيليام كلارك قاراپايىم اعىلشىن ءدىن قىزمەتكەرى بولاتىن. 1736 -جىلدىڭ جازىندا جارىمەن بىرگە كىشكەنتاي اعىلشىن اۋىلى برايتەلمستونعا دەمالىسقا بارادى. ال، اۋىل بولسا انگليانىڭ وڭتۇستىگىندەگى لا- مانش بۇعازىندا ورنالاسقان بولاتىن. ونىڭ دەمالىسقا تاڭداعان ورنى سول ۋاقىتتار ءۇشىن تىم وعاش كورىنەتىن: تۇزدى سۋ، قۇم جانە كۇنگە قىزدىرىنۋ. ال، ول كەزدەرى باي ادامدار شيپاجايلاردا دەمالىپ، مينەرالعا باي سۋلارعا شومىلاتىن. كلارك بول جەرگىلىكتى تۇرعىنداردان بولمەنى جالعا الىپ، تاڭەرتەڭگىسىن سۋعا ءتۇسىپ، كۇنگە كۇيەدى. دەمالىسى جايىندا ءوزىنىڭ دوستارىنا حات ارقىلى باياندايدى. وسىلايشا، كلارك تەڭىز جاعالاۋىنا ارنايى بارىپ دەمالعان العاشقى ادام رەتىندە قالادى.

 2. توماس كۋك - تۋريستىك اگەنتتىكتەردىڭ اتاسى 1841 اعاش ۇستاسى، اعىلشىن توماس كۋك الەمدەگى العاشقى تۋريستىك اگەنتتىك قۇرادى. ونىڭ اتاۋى - Thomas Cook. باستاپقىدا ول Temperance Society مۇشەلەرىنە لەستەر قالاسىنان لافبارو قالالارىنا جيىنعا تەمىرجول ارقىلى بارۋدى جوسپارلايدى جانە ولارعا ۇسىنادى. كەيىن توماس پويىز ارقىلى ەكسكۋرسيا جۇرگىزەدى. 1844 -جىلى "ميدلەند ايماعىنىڭ تەمىر جولى" كومپانياسىمەن تۇراقتى تۋر جونىندە كەلىسىمگە كەلەدى. تاجىريبەنىڭ ازدىعىنان 1846 -جىلى 350 ادامدى لەستەردەن شوتلاندياعا ەكسكۋرسياعا جىبەرەمىن دەپ داعدارىسقا ۇشىرايدى. دەگەنمەن، مويىماعان ول قايتا اياعىنان تۇرادى. ول شۆەيتسارياعا، يتالياعا، ەگيپەتكە ادامداردى ساياحاتقا جىبەرەدى. ال، 1865 -جىلى مۇحيت اسىرىپ، اقش-  قا ساياحاتشىلار توبىن جىبەرەدى. كۋك نەگىزىن قالاعان تۋريستىك اگەنتتىك ءالى كۇنگە دەيىن بار. بۇگىندە Thomas Cook Group دەپ اتالادى.

Massaget.kz