قاسىم- جومارت توقايەۆ پەن دونالد تۋسك «الجير» كەشەنىندەگى ەسكەرتكىش تاقتاعا گۇل شوعىن قويدى
17:26, 31 - مامىر 2019
اقمولا وبلىسى. قازاقپارات - قازاقستان پرەزيدەنتى قاسىم- جومارت توقايەۆ پەن ەۋروپالىق كەڭەستىڭ ءتوراعاسى دونالد تۋسك «الجير» مەموريالدى- مۋزەي كەشەنىنە باردى، دەپ حابارليدى اقوردا.
مەملەكەت باسشىسى قاسىم- جومارت توقايەۆ پەن ەۋروپالىق كەڭەستىڭ ءتوراعاسى دونالد تۋسك قاسىرەت قاقپاسىنىڭ الدىندا باس ءيىپ، ساياسي قۋعىن- سۇرگىن قۇرباندارىنىڭ رۋحىنا تاعزىم ەتتى.
قازاقستان پرەزيدەنتى مەن ەۋروپالىق كەڭەس باسشىسى «الجير» مەموريالدى- مۋزەي كەشەنىندەگى ەسكەرتكىش تاقتاعا گۇل شوعىن قويىپ، ساياسي قۇربانداردىڭ ءومىرى جايلى مالىمەتتەر جيناقتالعان كەشەن مۋزەيىن ارالاپ كوردى.
31- مامىر - ساياسي قۋعىن- سۇرگىن قۇرباندارىن ەسكە الۋ كۇنى رەتىندە 1997 - جىلدان بەرى اتالىپ كەلەدى.