عالىمدار: جەر بەتىندە جاڭا «ادامزات ءداۋىرى» باستالدى
«ادامدار جاڭا گەولوگيالىق داۋىرگە اياق باستى. بۇل ءداۋىر انتروپوتسەن دەپ اتالادى. عىلىمي كوميسسيا ساراپشىلارى بۇل تەرميندى جاڭا ءداۋىردىڭ اتاۋى رەتىندە تاڭدادى» ، - دەپ جازادى اۆتور ماقالادا.
انتروپوتسەن تەرمينى «ادامزات ءداۋىرى» دەگەن ماعىنا بەرەدى. ونىڭ باسى XX عاسىردىڭ ورتاسى سانالادى جانە پلانەتاعا ادامداردىڭ قاۋىپ توندىرە باستاعانىن كورسەتەدى.
«عالىمدار ءداۋىردىڭ ناقتى قاي كەزدە باستالعانىن انىقتاۋمەن اينالىسىپ جاتىر جانە گەولوگيالىق سيپاتتاردى انىقتاۋعا تىرىسۋدا. 1950 -جىلدارى راديواكتيۆتى زاتتار سانى ارتىپ، الەمدە گەولوگيالىق مالىمەتتەرگە بومبالار سىناعى كەرى اسەر ەتە باستاعان. سونىمەن قاتار، انتروپونەت باسى رەتىندە قۇس شارۋاشىلىعى مەن قازبا وتىندارىن جاعۋدىڭ ارتۋى سانالۋى مۇمكىن» ، دەپ جازادى اۆتور.
ونىڭ جازۋىنا قاراعاندا، بۇل ءىستى لەستەر ۋنيۆەرسيتەتىنىڭ پروفەسسورى يان زالاسيەۆيچ باسقارعان. ال انتروپوتسەن تەرمينى 2016 -جىلى كەيپتاۋندا وتكەن حالىقارالىق گەولوگيالىق كونگرەستە تاڭدالعان بولاتىن.
«پروفەسسور زالاسيەۆيچتىڭ ايتۋىنشا، انتروپوتسەن پروبلەمالارى قاتارىندا ميكروپلاستيك، ادام جاساعان سينتەتيكا، اتموسفەراداعى CO2 ارتۋى بار. سونىمەن قاتار قىزىقتى تەوريالار قاتارىندا انتروپوتسەن بەلگىسى رەتىندە تاۋىقتار سانىنىڭ ارتۋى قاراستىرىلعان. ادامدار جىلىنا 65 ميلليارد تاۋىق جەيدى. بۇل دا گەولوگيالىق ءداۋىر بەلگىسى سانالادى» ، دەپ جازادى اۆتور.
ونىڭ ايتۋىنشا، انتروپوتسەن تەرمينىن ەڭ العاش 2002 نوبەل پرەمياسىنىڭ لاۋرەاتى پول كرۋتتسەن ۇسىنعان.