اۋەدەن جۇرگىزىلگەن ساناق ق ر ا ش م ورمان شارۋاشىلىق جانە جانۋارلار الەمى كوميتەتى تاپسىرىسى بويىنشا قازاقستاننىڭ بيوالۋانتۇرلىلىگىن ساقتاۋ قورىنىڭ (ق ب س ق) ماماندارىنا جۇكتەلدى.
«كيىك پوپۋلياتسياسىن ەسەپكە العان قبسق ماماندارى ءۇش توپقا ءبولىندى. ءبىرىنشى جانە ەكىنشى توپ ءۇستىرت جانە جايىق پوپۋلياتسياسىن، ال ءۇشىنشى توپ بەتپاقدالا كيىكتەرىن سانادى.
ساناق باراسىندا قىزىقتى ساتتەر از بولمادى. ايتالىق قبسق ماماندارى بۇعان دەيىن 2015 -جىلدان بەرى بايقالماعان جەرلەردەن توبىمەن جۇرگەن كيىكتەردى كوردى. سونداي-اق ەسەپكە الۋ كۇندەرىنىڭ بىرىندە كيىكتىڭ الەمدەگى پوپۋلياتسياسىنىڭ 50 پايىزى بولاتىنداي بوكەنگە جولىقتى. سول كۇنى ماماندارعا وڭاي سوقپادى، ويتكەنى قاراسى مول كيىك ءجيى كەزدەسكەن كەزدە ولاردى ساناۋ دا قيىن بولادى»، دەلىنگەن حابارلامادا.
قوردىڭ حابارلاۋىنشا، كيىكتىڭ ناقتى سانى ساناقتىڭ سوڭعى كەزەڭىندە ءمالىم بولادى. ونىڭ ناتيجەسى ماۋسىم ايىنىڭ باسىندا جاريا ەتىلەدى.
كيىكتى ساناۋ جۇمىستارىنا ق ر اۋىلشارۋاشىلىق مينيسترلىگىنىڭ جانە «وحوتزووپروم» ق ب» ر م ق ك وبلىستىق اۋماقتىق ينسپەكسيالارىنىڭ قىزمەتكەرلەرى اتسالىستى.
ەسكە سالا كەتسەك، بۇعان دەيىن قوستاناي وبلىسىنىڭ اۋماعىندا تىكۇشاق ارقىلى ارقىلى كيىكتەر ساناعى قالاي جۇرگىزىلىپ جاتقانىن حابارلاعان بولاتىنبىز.