جاپونيا قازاقستاننان جىلقى ەتىن الۋعا قىزىعۋشىلىق تانىتتى
اتالعان ۆەدموستۆو بارىسىندا جاپونيا دەلەگاتسياسىن اۋىل شارۋاشىلىعى، ورمان جانە بالىق شارۋاشىلىعى مينيسترلىگىنىڭ وكىلى، ازىق- تۇلىك قاۋىپسىزدىگى جانە تۇتىنۋشىلاردىڭ قۇقىقتارىن قورعاۋ دەپارتامەنتىنىڭ باسشىسى نوريو كۋماگاي باسقارعان.
ەستەرىڭىزگە سالا كەتەيىك، بۇعان دەيىن ەكى ەلدىڭ دە بيزنەس وكىلدەرى قازاقستان رەسپۋبليكاسىنىڭ اۋىل شارۋاشىلىعى مينيسترلىگىنە قازاقستاننان جاپونياعا جىلقى ەتىن ەكسپورتتاۋ جونىندەگى جاپون ۆەتەرينارلىق قىزمەتىمەن كەلىسسوزدەر جۇرگىزۋدى سۇراعان بولاتىن. قازاقستاندىق ۆەتەرينارلىق قىزمەت قاجەتتى ماتەريالداردى دايىنداپ، جاپوندىق ارىپتەستەرىنە جىبەرگەن.
جاپون تاراپى قازاقستاننان جاپونياعا ەكسپورتتاۋ ءۇشىن جىلقى ەتىنىڭ ۆەتەريناريالىق سەرتيفيكاتى ستاندارتىنىڭ تيىمدىلىگىن باعالاۋ ءۇشىن ساۋالناما الۋدى راستادى. ۆەتەرينارلىق قىزمەت ۆەتەريناريالىق سەرتيفيكاتتىڭ جوباسىن الدىن الا ماقۇلدادى.
دەگەنمەن، جاپون زاڭىنا سايكەس، قازاقستان تۋرالى اقپارات جاپونيانىڭ ەڭبەك جانە دەنساۋلىق ساقتاۋ مينيسترلىگى تاراپىنان قاراستىرىلادى. مەملەكەتتىك ورگاننان وڭ قورىتىندى العاننان كەيىن جاپوندىق تاراپ ۆەتەرينارلىق سەرتيفيكاتپەن كەلىسۋگە دايىن.
اۆتور: مارلان جيەمباي