قازاق ادەبيەتى انتولوگياسى اراب تىلىندە شىعادى
ق ر سىرتقى ىستەر مينيسترلىگى تاراتقان مالىمەتتەر بيىنشا بۇل جونىندە قازاقستاننىڭ مىسىرداعى ەلشىسى ارمان يساعاليەۆپەن كەزدەسۋ بارىسىندا ۇيىمنىڭ كاير قالاسىنداعى عىلىم مادەني جوبالارىنىڭ ۇيلەستىرۋشىسى بولىپ تابىلاتىن امل اراب زەرتتەۋلەر ينستيتۋتىنىڭ باسشىلىعى حابارلادى.
ALECSO كىتاپتارعا ءوزىنىڭ لوگوسىن قويۋ قۇقىعىن بەرۋمەن قوسا، ولاردى اراب مەملەكەتتەرىندە ۇلەستىرۋگە قولداۋ كورسەتۋگە دايىندىعىن ءبىلدىردى.
بيىل ق ر تۇڭعىش پرەزيدەنتى - ەلباسى نۇرسۇلتان نازاربايەۆتىڭ باستاماسى - «رۋحاني جاڭعىرۋ» باعدارلاماسىنىڭ شەڭبەرىندە «زاماناۋي قازاق ادەبيەتى جاھاندىق الەمدە» اتتى جوباسى بويىنشا قازاقستاندىق 60 اقىن- جازۋشىنىڭ تاڭدالعان شىعارمالارى بۇۇ- نىڭ رەسمي التى تىلىنە اۋدارىلىپ، باسىلىپ شىعادى. ءاربىر انتولوگيانىڭ تيراجى 10 مىڭ دانادان اسىپ تۇسەدى.
اراب تىلىنە اۋدارىلعان شىعارمالار جيناعى 22 اراب مەملەكەتىندەگى 5 مىڭنان استام ءىرى ۋنيۆەرسيتەتتەرگە، كىتاپحانالارعا جانە زەرتتەۋ ورتالىقتارىنا تاراتىلادى.
ايتا كەتەيىك، ALECSO 1970 -جىلى 25 -شىلدەدە كاير قالاسىندا قۇرىلعان اراب مەملەكەتتەرى ليگاسىنىڭ مەكەمەسى. شتاب- پاتەرى تۋنيستە ورنالاسقان. ۇيىمنىڭ مۇشەلەرىنىڭ بارلىعى امل- عا كىرەتىن ەلدەر بولىپ تابىلادى. ALECSO نەگىزگى ماقساتى - اراب مەملەكەتتەرى اراسىندا ءبىلىم، عىلىم جانە مادەنيەت سالالارىندا بىرلىككە قول جەتكىزۋ، الەمدىك دامۋعا ۇلەس قوسۋ ءۇشىن اراب ەلدەرىندەگى مادەنيەت دەڭگەيىن كوتەرۋ بولىپ تابىلادى.