نۇر-سۇلتان - پراگا باعىتىندا جاڭا اۋە رەيسى اشىلدى

 نۇر-سۇلتان. قازاقپارات - بۇگىن «نۇر- سۇلتان - پراگا - نۇر- سۇلتان» باعىتى بويىنشا تۇراقتى اۋە رەيسىنىڭ تۇساۋكەسەر ءراسىمى ءوتتى، دەپ حابارلايدى ق ر ي ي د م ازاماتتىق اۆياتسيا كوميتەتى فەيسبۋكتەگى رەسمي پاراقشاسىندا.

«2019 -جىلدىڭ 2 -ماۋسىمىنان باستاپ SCAT اۋە كومپانياسى قازاقستان مەن چەحيا استانالارى نۇر-سۇلتان جانە پراگا قالالارى اراسىندا «Boeing 737» ۇشاعىمەن اپتاسىنا 2 رەت تۇراقتى رەيستەردى ورىندايتىن بولادى. بۇل رەيستىڭ اشىلۋى مارشرۋتتىق جەلىلەردى دامىتۋعا ىقپال ەتىپ، تۋريزمدى دامىتۋعا جانە ەكى ەلدىڭ ترانزيتتىك الەۋەتىن ارتتىرۋعا ۇلەس قوسادى» دەلىنگەن حابارلامادا.

جىل باسىنان بەرى جۋكوۆسكي- قاراعاندى، جۋكوۆسكي- كوكشەتاۋ، جۋكوۆسكي- پەتروپاۆل (يراەرو)، الماتى- باكۋ (AZAL اۆياكومپانياسى) باعىتتارىندا جاڭا حالىقارالىق باعىتتار اشىلدى. سونىمەن قاتار، 2 - ماۋسىمنان باستاپ SCAT اۋە كومپانياسى «نۇر-سۇلتان - ۇلانباتىر - نۇر-سۇلتان» باعىتىنداعى تۇراقتى رەيستەردى ورىنداۋدى جوسپارلاپ وتىر.

سونداي-اق، جىل اياعىنا دەيىن قازاقستان رەسپۋبليكاسىنىڭ تۇڭعىش پرەزيدەنتى ن. ا. نازاربايەۆتىڭ تاپسىرماسىنا سايكەس «نۇر-سۇلتان- توكيو» تىكەلەي رەيسىن اشۋ جوسپارلانىپ وتىر.