قازاقستاندا قاعاز وندىرەتىن جاڭا كاسىپورىن اشىلادى
بۇل تۋرالى ق ر يندۋستريا جانە ينفراقۇرىلىمدىق دامۋ مينيسترلىگى يندۋستريالىق دامۋ جانە ونەركاسىپتىك قاۋىپسىزدىك كوميتەتىنىڭ ءتوراعاسى قانات بايىتوۆ مالىمدەدى، دەپ حابارلايدى قازاقپارات.
«قاعاز بەن قاعاز ونىمدەرى ءوندىرىسىنىڭ باسىم بولىگىن كارتون- قاعاز ونەركاسىبى قۇرايدى. قازاقستان ورمانعا باي ەمەس. قازىرگى ۋاقىتتا كارتون- قاعاز وندىرەتىن ونەركاسىپتەر شيكىزات رەتىندە قايتا وڭدەلگەن قاعاز بەن كارتوندىق ماكۋلاتۋرانى قولدانادى» ، - دەدى قانات بايىتوۆ ەلوردادا وتكەن تسەلليۋلوزا- قاعاز ونەركاسىبىن دامىتۋ تۋرالى فورۋمدا.
ونىڭ ايتۋىنشا، 2015-2018 -جىلدارى قاعاز بەن قاعاز ونىمدەرى ءوندىرىسى ايتارلىقتاي ارتقان. ءوندىرىس كولەمى 45 ميلليارد تەڭگەدەن 58 ميلليارد تەڭگەگە دەيىن كوتەرىلگەن.
«قازاقستانداعى نەگىزگى وندىرۋشىلەر - «قازاقستان قاعازى» ا ق، Kagaz Recycling, كارينا Trading جانە قاراعاندى تسەلليۋلوزا- قاعاز كومبيناتى. 2015-2018 -جىلدارى مەملەكەتتىك باعدارلامانى جۇزەگە اسىرۋ اياسىندا قاتتالعان كارتون، دارەتحانا قاعازى مەن قاعاز قاپشىق شىعاراتىن ءۇش جوبا قۇرىلىپ، 82 جاڭا جۇمىس ورنى اشىلدى. 2019 -جىلى تاعى ءبىر جوبا - ينتەرمۋلتيسەرۆيس اياسىندا تاعى 60 جۇمىس ورنى اشىلادى» ، - دەدى كوميتەت ءتوراعاسى.