قالالارعا كىرە بەرىستەگى پوليتسيا بەكەتتەرى الىنىپ تاستالادى

نۇر- سۇلتان. قازاقپارات - جول بويىندا تۇرعان پوليتسيا بەكەتتەرىنىڭ سانى قىسقارادى، دەپ حابارلايدى قازاقپارات ءتىلشىسى.

«ىشكى بەكەتتەر قىسقارىپ، ولار تەك جالپى ەل اۋماعىنىڭ پەريمەترى بويىنشا قالادى. ىشكى بەكەتتەردە جۇمىس ىستەگەن 300-گە تارتا قىزمەتكەر باسقا قۇرىلىمدارعا اۋىستىرىلادى. ال جول بويىندا بوساپ قالعان بەكەتتەر قاتتى سۋىقتا جىلىناتىن نەمەسە داعدارىستىق جاعدايلار ءۇشىن پايدالانىلادى. قالالارعا كىرە بەرىستەگى بەكەتتەر دە الىنىپ تاستالادى. ولار ءبىراق كەزەڭ- كەزەڭ بويىنشا تاراتىلاتىنىن اتاپ وتكىم كەلەدى»، - دەدى ىشكى ىستەر ءمينيسترىنىڭ ورىنباسارى الەكسەي كالايچيدي ءى ءى م- دە وتكەن وتىرىستان كەيىن تىلشىلەردىڭ سۇراعىنا جاۋاپ بەرىپ.

ونىڭ ايتۋىنا قاراعاندا، پوليتسيا بەكەتتەرىندە كەزەكشىلىكتەگى ءتارتىپ ساقشىلارىنىڭ ءبارى جۇمىسسىز قالمايدى. جانە مۇنداي قادامدار قالاعا تىيىم سالىنعان زاتتاردىڭ كوبەيىپ كەتۋىنە مۇرىندىق بولمايدى.

«تىيىم سالىنعان زاتتاردى باقىلاۋدا ءبىزدىڭ مۇمكىندىكتەرىمىز مول. وسى شارالاردىڭ بارلىعىن دا 1 - شىلدەگە تاياۋ ىسكە اسىرماقپىز»، - دەدى ول.

 ايتا كەتسەك، بۇگىن ەلوردادا ءى ى م مەن مەملەكەتتىك قىزمەت ىستەرى جانە سىبايلاس جەمقورلىققا قارسى ءىس- قيمىل اگەنتتىگى باسشىلىعى، ازاماتتىق قوعام جانە ب ا ق وكىلدەرىمەن كەزدەسۋ ءوتتى. كەزدەسۋدە ىشكى ىستەر مينيسترلىگىنىڭ جول كارتاسى نەگىزىندە قوعامداستىق جانە ۆەدومستۆولار ازىرلەگەن ىشكى ىستەر ورگاندارىنداعى جەمقورلىقپەن كۇرەستىڭ ءۇشجاقتى جوسپارى تانىستىرىلدى.

اۆتور: ايان بەكەن ۇلى