مينيستر ءشامشيدينوۆا ۇلتتىق تەستىلەۋ ورتالىعى باسشىسىنىڭ ۇستالۋىنا قاتىستى پىكىر ءبىلدىردى
«تەرگەۋ امالدارى جۇرگىزىلىپ جاتىر. بۇل ساتىپ الۋلارمەن بايلانىستى بولعانى بەلگىلى. ءتۇرلى ماسەلەلەر وتكىزۋ ءۇشىن شىعاتىن ادامدار ءۇشىن قوناق ءۇي ايقىنداۋ ماسەلەسىنە قاتىستى»، - دەدى ول ۇكىمەت وتىرىسىنان كەيىن ب ا ق وكىلدەرىنىڭ ساۋالىنا وراي.
مينيستر ادامداردىڭ ۇستالعانى تۋرالى اقپاراتتان دا حابارى بار ەكەنىن ايتتى.
«وزدەرىڭىز دە بىلەتىندەي، اگەنتتىك (ق ر مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگى) اقپاراتىنا سايكەس، ونىڭ ءبىرى ديرەكتوردىڭ بۇرىنعى ورىنباسارى جانە قازىر ول ورتالىقتا جۇمىس ىستەمەيدى. دەگەنمەن، ونىڭ ۇستىنەن قىلمىستىق ءىس قوزعالدى. ەكىنشىسى - ۇيىمنىڭ باسشىسى»، - دەدى ك. ءشامشيدينوۆا.
بۇعان دەيىن ۇلتتىق تەستىلەۋ ورتالىعىنىڭ بۇرىنعى جانە قازىرگى ديرەكتورلارى سىبايلاس جەمقورلىق كۇدىگىنە ىلىككەنىن حابارلاعان ەدىك.