جوعارى قان قىسىمىن ءتۇسىرۋدىڭ ءتيىمدى تاسىلدەرى

نۇر-سۇلتان. قازاقپارات - ​جوعارى قان قىسىمى ۇنەمى كۇيزەلىستە جۇرەتىن، جامان ادەتتەرگە ءۇيىر، دۇرىس تاماقتانبايتىن ادامداردا ءجيى كەزدەسەدى.

ءبىراق سوڭعى ۋاقىتتاردا جاستار اراسىندا ءجيى كەزدەسەتىن بولعان.

«30 جاستاعى ەر ادامداردا ايەلدەرگە قاراعاندا قان قىسىمىنىڭ جوعارىلىعى ءجيى كەزدەسەدى. ولاردىڭ تامىرلارى ءالسىز. ال ايەلدەرگە گورموندارى كومەكتەسەدى» - دەيدى كارديولوگ يگور كوستىشين.

سول جوعارى قان قىسىمىن ءتۇسىرۋ ءۇشىن نە ىستەۋ كەرەك؟ نازارلارىڭىزعا ءتيىمدى تاسىلدەرىن ۇسىنامىز:

ۇيدە قان قىسىمىن ءتۇسىرۋ ءۇشىن سالقىن سۋ پايدالانۋ قاجەت. تازيككە سالقىن سۋ قۇيىپ، اياقتى ءبىر ەكى مينۋت سوعان شايۋ كەرەك. قولدى سۋىق سۋدىڭ استىندا ۇستاپ تۇرۋعا بولادى. سوڭىندا بەتكە سۋىق سۋ شاشۋعا نەمەسە سۋىق سۋعا مالىنعان ورامال باسۋعا بولادى.

الما سىركەسى دە جاقسى كومەكتەسەدى. سىركەگە سالىپ، سىعىپ الىنعان شۇبەرەكتەردى جالاڭ اياققا باسىپ، 15 مينۋتقا قالدىرۋ كەرەك.

سونداي-اق جالبىز، بال مەن ليمون شىرىنى قوسىلعان شاي دا قان قىسىمىن تۇسىرۋگە كومەكتەسەدى. قان قىسىمى 20-30 مينۋت ىشىندە تۇسەدى.

قان قىسىمى قاتتى كوتەرىلگەن كەزدە دەنەنى بوساتىپ، دۇرىس تىنىس الۋعا تىرىسۋ كەرەك. ەگەر قان قىسىمى كوتەرىلە بەرسە ۆالەريانكا ءىشۋ كەرەك.

دەرەككوز: سەگودنيا