كومپيۋتەرى جوق بيزنەسمەن
كادر بولىمىندە وعان ءتۇرلى سۇراقتار قويىلىپ، ارنايى تەست باعدارلاماسىنان وتكەننەن كەيىن وعان: - قۇتتىقتايمىز! ءسىز جۇمىسقا قابىلداندىڭىز. جۇمىس كەستەسىن جىبەرۋ ءۇشىن ءوز e-mail ادرەسىڭىزدى قالدىرىڭىز، - دەپتى.
- نەگىزى، مەنىڭ e-mail تۇگىل، كومپيۋتەرىم دە جوق ەدى، - دەيدى الگى ادام.
- ەندەشە، ءسىزدى جۇمىسقا الا المايمىز. ءبىزدىڭ قىزمەتكەرلەردىڭ بارلىعى جىلدام بايلانىس پەن توپتىق جۇمىس ءۇشىن e-mail قولدانادى. بۇل - كومپانيامىزدىڭ باستى تالاپتارىنىڭ ءبىرى، - دەپ جونىمەن كەتىپتى.
كىرمەي جاتىپ، جۇمىستان شىعىپ قالعان ادام تەزىرەك كومپيۋتەرگە اقشا جيناۋدى ويلايدى. وسىلايشا ول قالتاسىنداعى 30 دوللارعا ءبىر فەرمەردەن 10 كيلوگرامم الما ساتىپ الىپ، كوشەگە شىعىپ ساتادى. ءدامدى، ءارى پايدالى ەكولوگيالىق تازا ءونىمنىڭ ساۋداسىنان ول ءبىر- ەكى ساعاتتىڭ ىشىندە اقشاسىن ەكى ەسە وسىرەدى. ال نەبارى 6 ساعاتتان كەيىن ونىڭ قارجىسى 300 دوللارعا جەتەدى. ون ەسە پايدا كورگەن جىگىت «ەشكىمنىڭ قول استىندا جۇمىس ىستەمەي- اق تا كۇن كورۋگە بولادى ەكەن- اۋ» دەگەن ويعا كەلەدى. ارادا ءبىراز ۋاقىت ءوتىپ، الما ساتۋمەن كولىك الادى، كىشىگىرىم دۇڭگىرشەك اشىپ، كەيىن ول ۇلكەن دۇكەنگە اينالادى. ال تاعى 5 جىلدان كەيىن الما ساتۋشى ول دۇكەنىن سۋپەرماركەتتەر جەلىسىنە دەيىن كوتەرەدى. سونىمەن ول ءوز بيزنەسىن ساقتاندىرۋ ءۇشىن ارنايى كومپانياعا بارادى. ول جەردەگىلەر ءتيىمدى ۇسىنىستار جايىندا حابارلاما جىبەرۋ ءۇشىن الما ساتۋشىنىڭ e-mail ادرەسىن سۇرايدى. ال ول ءبىراز جىل بۇرىنعى جاۋابىن ايتادى، ياعني «مەندە e-mail تۇگىل، كومپيۋتەر دە جوق» دەپ جاۋاپ بەرەدى.
تابىستى بيزنەسمەننىڭ مۇنداي جاۋابىنا تاڭعالعان مەنەدجەر: - ەگەر كومپيۋتەرىڭىز بولسا، ءسىز قانداي تابىسقا جەتەر ەدىڭىز؟ - دەيدى تاڭدايىن قاعىپ. سوندا الگى ادام:
- مەن ءبىر كومپانيانىڭ اۋلا سىپىرۋشىسى بولار ەدىم، - دەپتى. الدىمىزدان ءبىر ەسىك جابىلعانىمەن، اشىق ءالى ون ەسىكتىڭ بارىن ۇمىتپاڭىز جانە سوعان ۇمتىلىڭىز!
دەرەككوز: anabol.kz