جەلىدە پەرۋدەگى جەر سىلكىنىسىنىڭ ۆيدەوسى جاريالاندى
11:30, 28 - مامىر 2019
نۇر-سۇلتان. قازاقپارات - پەرۋدە بولعان 8 بالدىق جەر سىلكىنىسىنىڭ ۆيدەوسى جەلىدە تاراپ جاتىر.
روليكتەردىڭ ءبىرى 26 مامىردا YouTube-تە جاريالاندى، - دەپ حابارلايدى Lenta.ru. كادرلاردان ءانشى Ezio-نىڭ ريوحا قالاسىنداعى كونسەرتى بارىسىندا مۋزىكانتتاردىڭ جەر سىلكىنىسىنە بايلانىستى ونەرلەرىن توقتاتىپ، كورەرمەندەرىڭ ايقايلاپ جاتقانىن كورۋگە بولادى.
Twitter جەلىسىندە جاريالانعان تاعى ءبىر ۆيدەو سان-مارتين ايماعىندا تۇسىرىلگەن، مۇندا تۇرعىندار جەر سىلكىنىسىنىڭ توقتاۋىن كۇتىپ، جىلاپ، قۇشاقتاسىپ تۇر.