جاڭقوش تۇراروۆ: الەم چەمپيونى بولۋعا تاعى ءبىر قادام جاقىندادىم

 نۇر- سۇلتان. قازاقپارات - ءبىر جارىم جىل بويى شارشى الاڭعا شىقپاعان قازاقستاندىق كاسىپقوي بوكسشى جاڭقوش تۇراروۆ الداعى ەكى ايدىڭ ىشىندە انگليا مەن قازاقستاندا وتەتىن جەكپە- جەكتەرىنە قالاي دايىندالىپ جاتقانىن ايتىپ بەردى، دەپ حابارلايدى قازاقپارات ءتىلشىسى.

«ءبىر جارىم جىل ۋاقىت بوكسقا شىقپادىم. دەسە دە، جاتتىعۋدى ۇزگەن جوقپىن. ءوز بابىمدامىن. بوكس ماعان جات ەمەس. ءومىرىمدى وسى سپورتقا ارنادىم دەسەم دە بولادى. 13 جاستان سپورتتى باستاعانمىن. ءبىر جارىم جىل دەگەن ماعان ەشتەڭە ەمەس. اللا قالاسا، الەمدىك بەلدىكتەردى الامىز دەگەن ويىمىز بار. 6 - شىلدەدەگى ەلورداداعى جەكپە- جەككە دەيىن انگليادا رەيتينگتىك كەزدەسۋ وتكىزەمىن. دايىندىق وتە تاماشا. بارىنە دايىنبىز» ، - دەدى جاڭقوش تۇراروۆ و ك ق- دا وتكەن باسپا ءسوز ءماسليحاتىندا.

بوكسشى ءوز سوزىندە بوكسقا كەلگەننەن باستاپ الەم چەمپيونى بولۋ ماقساتىنان قايتپاعانىن اتاپ ءوتتى.

«ءساتىن سالسا، م ت ك قازاقستان مەنەدجەرلىك كومپانياسىمەن جاقىن ۋاقىتتا كەلىسىمگە كەلدىك. مەن ءۇشىن وتە ۇلكەن قۋانىشتى جاڭالىق. الەم چەمپيونى بولۋعا تاعى ءبىر قادام جاقىندادىم» ، - دەدى جاڭقوش تۇراروۆ.

ەسكە سالا كەتسەك، ەلوردادا 6 - شىلدەدە كاسىپقوي بوكس كەشى وتەدى. ول كۇنى سۇلتان زاۋىربەك، ۆيكتور كوتوچيگوۆ، الي بالويەۆ، ءابىلقايىر شەگاليەۆ، نۇرتاس اجبەنوۆ جانە اباي تولەش سەكىلدى بوكسشىلار ونەر كورسەتپەك.

جاڭقوش تۇراروۆ (22-0, 15ك و) 6 - شىلدە كۇنى ەلوردادا وتەتىن كاسىپقوي بوكس كەشىندە ونەر كورسەتەتىنىن بۇعان دەيىن حابارلاعان بولاتىنبىز.

MTK Global پروموۋتەرلىك كومپانياسىمەن كەلىسىمگە كەلۋى جاڭقوش تۇراروۆقا جاڭا مۇمكىندىكتەردى اشىپ وتىر.