ادامزاتتىڭ ۇيلەسىمدى دامۋىن قامتاماسىز ەتۋ كەرەك - قىتايدىڭ ۆيتسە-پرەمەرى

نۇر-سۇلتان. قازاقپارات - ق ح ر مەملەكەتتىك كەڭەسى پرەمەرىنىڭ ورىنباسارى حان چجەن جالپىعا بىردەي ەكونوميكالىق دامۋ ءۇشىن قىتاي تاجىريبەسى مەن رەسۋرسى دايىن ەكەنىن ءمالىم ەتتى، دەپ حابارلايدى قازاقپارات ءتىلشىسى.

«قىتايدا حالىق سانى 1,4 ميللياردقا جەتتى. بۇل الەمدەگى ەڭ ۇلكەن ادامي كاپيتال. كەشەندى دامۋداعى اۋقىمدى ىلگەرىلەۋ مەن ەكونوميكالىق دامۋدىڭ ەلەۋلى پەرسپەكتيۆالارى الەمدىك ەكونوميكاداعى تۇراقتى درايۆەر رەتىندە قىتايدىڭ ءرولىن بەلگىلەپ وتىر. ءبىز وسى مۇمكىندىكتەرمەن بولىسۋگە ءازىرمىز. بۇل ءوز كەزەگىندە بىرلەسە دامۋ مۇددەسى تۇرعىسىندا ماڭىزدى»، - دەدى ول استانا ەكونوميكالىق فورۋمى بارىسىندا.

وسى ورايدا ول اشىق ىنتىماقتاستىق ارقىلى الەمدىك ەكونوميكانىڭ تۇراقتى ءوسىمىن بىرلەسە قامتاماسىز ەتۋ مۇمكىندىگىنە توقتالدى.

«ءبىز الەم ەلدەرىمەن ەكونوميكالىق ليبەراليزاتسيا جانە ەكونوميكالىق جاھاندانۋدى قولداۋ تۇرعىسىندا بىرلەسە ارەكەت ەتۋگە دايىنبىز. بۇل رەتتە قۋاتتى، تەڭدەستىرىلگەن وسىمگە ەكپىن قويىلادى»، - دەدى ق ح ر وكىلى.

بۇدان بۇرىن حابارلانعانداي، اەف اياسىندا حالىقارالىق ۆاليۋتا قورىنىڭ باسقارۋشى ديرەكتورى كريستين لاگارد الەم ەكونوميكاسىنىڭ دامۋىنا قاتىستى پىكىر ءبىلدىردى.