پرەزيدەنت بايقوڭىردا ارنايى ەكونوميكالىق ايماق قۇرۋدى تاپسىردى

قىزىلوردا. قازاقپارات - ق ر ۇكىمەتى مەن قىزىلوردا وبلىسىنىڭ اكىمدىگى بايقوڭىردى دامىتۋدىڭ ءتيىمدى تەتىكتەرىن ايقىنداپ، قىسقا ۋاقىتتىڭ ىشىندە ارنايى ەكونوميكالىق ايماق قۇرۋى قاجەت.

بۇل جايىندا قازاقستان پرەزيدەنتى قاسىم- جومارت توقايەۆ ءمالىم ەتتى، دەپ حابارلايدى قازاقپارات ءتىلشىسى اقوردانىڭ Тwitter- دەگى اككاۋنتىنا سىلتەمە جاساپ.

«بايقوڭىر قالاسىنىڭ ينفراقۇرىلىمىن جاڭعىرتۋ باستالدى. 30 جىلدىڭ ىشىندە بۇل جەردە العاش رەت كوپقاباتتى ءۇي مەن مەديتسينالىق ورتالىق سالىندى. 5 مەكتەپ قازاقستاندىق ستاندارت بويىنشا ءبىلىم بەرۋگە كوشتى. كوممۋنالدىق جەلىلەردى جوندەپ، 6 تۇرعىن مەن مەكتەپ سالۋ جوسپارلانعان»، - دەدى قاسىم-جومارت توقايەۆ قىزىلوردا وبلىسىنىڭ جۇرتشىلىعىمەن كەزدەسۋ بارىسىندا.

سونىمەن

قاتار مەملەكەت باسشىسى بايقوڭىردى دامىتۋدىڭ ءتيىمدى تەتىكتەرىن ازىرلەۋ قاجەتتىگىنە نازار اۋدارتتى.

«ۇكىمەت پەن اكىمدىك بايقوڭىردى دامىتۋدىڭ ءتيىمدى تەتىكتەرىن ايقىنداپ، قىسقا ۋاقىتتىڭ ىشىندە ارنايى ەكونوميكالىق ايماق قۇرۋى قاجەت. عارىش ايلاعىنىڭ اۋقىمى مەن بىرەگەيلىگى بىزگە الدىڭعى قاتارلى كومپانيالارمەن جانە پەرسپەكتيۆالى تەحنولوگيالىق ستارتاپتارمەن جۇمىس ىستەۋ ءۇشىن تاماشا مۇمكىندىك بەرەدى»، - دەدى قازاقستان پرەزيدەنتى.