بۇل تۋرالى بۇگىن ۇكىمەت وتىرىسىنان كەيىن ب ا ق وكىلدەرىنىڭ ساۋالىنا جاۋاپ بەرگەن ق ر اقپارات جانە قوعامدىق دامۋ ءمينيسترى داۋرەن ابايەۆ ايتتى، دەپ حابارلايدى قازاقپارات ءتىلشىسى.
«بۇگىنگى كۇنى مەنىڭ بىلۋىمشە، تەلەپىكىرتالاس وتەتىن بولادى. ول تىكەلەي ەفيردە ۇيىمداستىرىلاتىن شىعار. تەلەدەبات - كانديداتتاردىڭ ءبىر- بىرىمەن پىكىرتالاستىرۋى دەگەندى بىلدىرەدى. تولىعىراق ەستيتىن بولاسىزدار»، - دەدى د. ابايەۆ.
تاياۋدا ق ر ورتالىق سايلاۋ كوميسسياسى ءتوراعاسىنىڭ ورىنباسارى كونستانتين پەتروۆ ق ر پرەزيدەنتتىگىنە كانديداتتار اراسىندا تەلەديداردان اشىق پىكىرتالاس وتكىزۋ مۇمكىنشىلىگى قاراستىرىلىپ جاتقانىن ايتقان بولاتىن.
«پرەزيدەنتتىككە كانديداتتار، ولاردى ۇسىنعان ساياسي پارتيالار ورتالىق سايلاۋ كوميسسياسى ۇيىمداستىراتىن تەلەديدارداعى سايلاۋ الدىنداعى پىكىرتالاستارعا قاتىسۋعا قۇقىلى. قازىرگى ۋاقىتتا ورتالىق سايلاۋ كوميسسياسى مۇنداي مۇمكىندىكتى پىسىقتاۋدا»، - دەگەن ەدى ول.
ايتا كەتەيىك، وسى جولى ق ر و س ك جەتى كانديداتتى تىركەدى. ولاردىڭ ىشىندە «Nur Otan» پارتياسىنان - قاسىم- جومارت توقايەۆ، «اۋىل» حالىقتىق- دەموكراتيالىق پاتريوتتىق پارتياسىنان - تولەۋتاي راحىمبەكوۆ، قازاقستاننىڭ كوممۋنيستەر پارتياسىنان جامبىل احمەتبەكوۆ، «ۇلت تاعدىرى» ۇلتتىق- پاتريوتتىق قوزعالىسىنان ءامىرجان قوسانوۆ، «ۇلى دالا قىراندارى» رەسپۋبليكالىق قوزعالىسىنان ءسادى- بەك تۇگەل، قازاقستان رەسپۋبليكاسىنىڭ كاسىپوداقتار فەدەراتسياسىنان امانگەلدى تاسپيحوۆ جانە «اق جول» قازاقستاننىڭ دەموكراتيالىق پارتياسىنان دانيا ەسپايەۆا بار.
اۆتور: مارلان جيەمباي