ق ر پرەزيدەنتى قىزىلوردادا بالالار اۋرۋحاناسى مەن كۇرىش وڭدەۋ زاۋىتىندا بولدى

قىزىلوردا. قازاقپارات - قازاقستان پرەزيدەنتى قاسىم-جومارت توقايەۆ قىزىلوردا وڭىرىنە جۇمىس ساپارى اياسىندا وبلىستىق كوپبەيىندى بالالار اۋرۋحاناسىنا جانە «جان-اراي» ج ش س- عا باردى، دەپ حابارلايدى قازاقپارات ءتىلشىسى.

كوپبەيىندى بالالار اۋرۋحاناسى 2017-جىلى پايدالانۋعا بەرىلگەن. اۋرۋحانادا 11 ءبولىم، 5 وپەراتسيالىق بلوك، رەانيماتسيالىق جانە انەستەزياعا ارنالعان بولىمدەر بار. سونداي-اق مۇندا كەڭەس بەرۋ-دياگنوستيكالىق ءبولىمى جۇمىس ىستەيدى. اۋرۋحانا زاماناۋي مەديتسينالىق قۇرال-جابدىقتارمەن تولىق قامتىلعان. ماماندار شەتەلدىك كلينيكالاردا بىلىكتىلىگىن ارتتىرعان.

ودان ءارى مەملەكەت باسشىسى «جان-اراي» ج ش س جۇمىسىمەن تانىستى. سەرىكتەستىك كۇرىش وندىرىسىمەن جانە كۇرىش داقىلىن حالىقارالىق ستاندارت تالاپتارىنا سايكەس وڭدەۋمەن اينالىسادى. سونداي-اق، جەم وندىرىسىمەن دە شۇعىلدانادى. كەشەن ءۇش بولىكتەن تۇرادى.

«جان-اراي» ج ش س- نىڭ كۇرىش وڭدەۋ جانە قۇراما جەم زاۋىتتارى تاۋلىگىنە 150 توننا كۇرىش، 170 توننا ۇن وڭدەيدى. سونداي-اق، تاۋلىگىنە 80 توننا جەم وندىرەدى. كاسىپورىندا 300 گە جۋىق ادام ەڭبەك ەتەدى.

قاسىم-جومارت توقايەۆ مۇندا اۋىل شارۋاشىلىعى ءونىمىن وندىرۋشىلەرمەن كەزدەستى.

ايتا كەتۋ كەرەك، وبلىستىڭ اۋىل شارۋاشىلىعى ءوندىرىسى كەشەنىندەگى ەكسپورتتالاتىن ونىمدەر سوڭعى التى جىلدا 3 تەن 15 تۇرگە كوبەيدى. وتكەن جىلدىڭ قورىتىندىسى بويىنشا ەكسپورتتىڭ 97 پايىزى قايتا وڭدەلگەن ءونىم ۇلەسىنە تيەسىلى. وبلىستىڭ اگروونەركاسىپ كەشەنىن دامىتۋ ءۇشىن اگروكارتا ازىرلەندى. ونىڭ ماقساتى - ەكسپورتتىڭ ءوسۋىن جانە وزىندىك قاۋىپسىزدىگىن قامتاماسىز ەتۋ.

قازاقستان پرەزيدەنتىنىڭ قىزىلوردا وبلىسىنا جۇمىس ساپارى باستالعانىن بۇعان دەيىن حابارلاعان ەدىك.