نازاربايەۆ «استانا» حالىقارالىق قارجى ورتالىعىنىڭ جوسپارىمەن تانىستى
18:51, 13 - مامىر 2019
نۇر-سۇلتان. قازاقپارات - قازاقستاننىڭ تۇڭعىش پرەزيدەنتى «استانا» حالىقارالىق قارجى ورتالىعىنىڭ باسقارۋشىسى قايرات كەلىمبەتوۆتى قابىلدادى، دەپ حابارلايدى قازاقپارات ق ر تۇڭعىش پرەزيدەنتى - ەلباسىنىڭ باسپا ءسوز قىزمەتىنە سىلتەمە جاساپ.
كەزدەسۋ بارىسىندا نۇرسۇلتان نازاربايەۆقا «استانا» حالىقارالىق قارجى ورتالىعىنىڭ قازىرگى قىزمەتى جانە الداعى جوسپارى تۋرالى مالىمدەلدى.
ەلباسى «استانا» حالىقارالىق قارجى ورتالىعىن دامىتۋ ءۇشىن اتقارىلىپ جاتقان جۇمىستاردىڭ ماڭىزدىلىعىن اتاپ ءوتتى.
- «استانا» حالىقارالىق قارجى ورتالىعى - ەڭ اۋقىمدى ءارى ماڭىزدى جوبالاردىڭ ءبىرى. وعان زور ءۇمىت ارتىپ وتىرمىز. بۇل قۇرىلىم قازاقستاننىڭ عانا ەمەس، بۇكىل ءوڭىردىڭ قارجى ورتالىعىنا اينالادى. «استانا» حالىقارالىق قارجى ورتالىعى الەمنىڭ باسقا قارجى ورتالىقتارى سياقتى داميتىن بولادى. وسى باستامانىڭ تابىستى بولعانىن قالايمىن، - دەدى قازاقستاننىڭ تۇڭعىش پرەزيدەنتى.