بۇل جايىندا ق ر ا ش م ورمان شارۋاشىلىق جانە جانۋارلار الەمى كوميتەتىنىڭ باسپا ءسوز حاتشىسى ساكەن دىلداحمەت Facebook تەگى پاراقشاسىندا جازدى، دەپ حابارلايدى قازاقپارات ءتىلشىسى.
«باتىس قازاقستان وبلىستىق ورمان شارۋاشىلىعى جانە جانۋارلار الەمى اۋماقتىق ينسپەكسياسىنىڭ اقپاراتىنا سايكەس، 9 - مامىر كۇنى شامامەن ساعات 21-39 دا «102» پۋلتىنە كۋاگەرلەر حابارلاسىپ، نازاربايەۆ داڭعىلى بويىنداعى 196 ءۇيدىڭ 2- قاباتىنداعى بالكوندا قونجىق جۇرگەنىن ايتقان. اتالعان مەكەن جايعا كەلگەن پوليتسيا قىزمەتكەرى اقپاراتتىڭ راستىعىنا كوز جەتكىزگەن. ءمان- جايدى انىقتاۋ بارىسىندا اقتاۋ قالاسىنىڭ تۇرعىنى ازامات م. تالاسبايەۆ قونجىقتىڭ بارلىق قۇجاتتارىن كورسەتكەن» ، - دەپ جازدى ول.
ونىڭ اتاپ وتۋىنشە، سۇراۋ سالۋ بارىسىندا ازامات م. تالاسبايەۆ تسيرككە ۇسىنۋ ماقساتىندا قوڭىر قونجىقتى ءوسىرۋ ءۇشىن 8 - مامىر كۇنى رەسەيدىڭ ۋفا قالاسىنان ساتىپ العانىن ايتقان. ورالعا كەلگەننەن قونجىقتى جەرسىندىرۋ ءۇشىن سول قالادا قونۋعا شەشىم قابىلداعان.
«وسىدان كەيىن نازاربايەۆ داڭعىلى 196 - ۇيدەن ۋاقىتشا پاتەر جالداپ، وزىنە جانە قونجىققا تاماق الۋ ءۇشىن سىرتقا شىعىپ كەتكەن. پاتەردە قالعان قونجىق بالكونعا شىعىپ كەتىپ، ادامداردى ۇرەيلەندىرگەن. قىلمىستىق جانە اكىمشىلىك بۇزۋشىلىقتىڭ ورىن الماعاندىعىن ەسكەرىپ، ماتەريال پروتسەسسۋالدى شەشىم قابىلداۋسىز قالدىرىلدى» ، - دەدى ساكەن دىلداحمەت.
بۇعان دەيىن ورالدا كوپ قاباتتى ءۇيدىڭ بالكونىندا جۇرگەن قونجىق جۇرتتى تاڭداندىرعانى جازعان ەدىك.