ۆيرتۋالدى اقشاعا ارنالعان جاڭا جۇيە قۇراستىرىلدى

نۇر-سۇلتان. قازاقپارات - كەمبريدج ۋنيۆەرسيتەتىنىڭ عالىمدارى ۆيرتۋالدى اقشاعا ارنالعان بلوكچەيننەن دە قاۋىپسىز جۇيە قۇراستىرىلعانىن حابارلادى.

عالىمداردىڭ ماقالاسى Proceedings of the Royal Society A. عىلىمي جۋرنالىندا جاريالاندى.

ماقالا اۆتورلارىنىڭ جازۋىنشا، عالىمدار كۆانتتى فيزيكا پرينسيپتەرىن قولدانۋ ارقىلى قاۋىپسىز جۇيەنى قۇراستىرعان.

«بلوكچەين جۇيەسى ۆيرتۋالدى ۆاليۋتا ۇرلىعىن ازايتادى. سەبەبى بىرنەشە كومپيۋتەردە ترانزاكتسيالار تۋرالى اقپارات كوشىرمەسى ساقتالىپ تۇرادى. ياعني، ءبىر كومپيۋتەردە اقپاراتتى وزگەرتۋ جاعدايى بولعان جاعدايدا، جۇيە ول تۋرالى ءبىلىپ وتىرادى. دەگەنمەن، تاجىريبە كورسەتكەندەي، بۇنداي جۇيەنىڭ ءوزى سەنىمدى ەمەس ەكەنىن كورىپ ءجۇرمىز» دەپ جازادى اۆتور.

كەمبريدج ۋنيۆەرسيتەتىنىڭ پروفەسسورى ەدريان كەنت ۆيرتۋالدى اقشانى قاۋىپسىز ترانزاكتسيالاۋدىڭ جاڭا ءادىسىن ويلاپ تاپقان. ول ۆاليۋتانىڭ جاڭا ءتيپىن S-money دەپ اتادى. بۇل جۇيە وپەراتسيالاردى وتە جىلدام ورىنداۋعا سەپتىگىن تيگىزەدى.

«تۇتىنۋشى تۋرالى اقپارات جاسىرىن بولادى جانە ارنايى ماتەماتيكالىق كونۆەرتپەن ارنايى حاتتامادا ا نۇكتەسىنەن ۆ نۇكتەسىنە جىبەرىلەدى. بۇل جاعدايدا اقشا تۋرالى اقپارات وزگەرتىلمەيدى جانە تەك ءبىرىنشى تاراپ بەرگەن كىلت ارقىلى عانا ەكىنشى تاراپ اقشانى الا الادى. ءتىپتى، ەكى تاراپتىڭ ءبىرى الداۋى مۇمكىن جاعدايدا دا ترانزاكسيا قورعالىپ تۇرادى»، دەپ جازادى اۆتور.

دەگەنمەن، اۆتوردىڭ ايتۋىنشا، بۇل جۇيەنى ەنگىزۋ وتە كوپ شىعىندى قاجەت ەتەدى. سوعان قاراماستان زەرتتەۋشىلەر بيىل تەحنولوگيانى سىناقتان وتكىزەدى.