الەمدەگى ەڭ باقىتتى ەل انىقتالدى
بيىل بىلتىرعى سياقتى ءبىرىنشى ورىندى فينليانديا الدى. بۇل ەلدى دامىعان قوعامدىق قولداۋى (بۇل كورسەتكىش بويىنشا 2- ورىن) ، ومىرلىك ماڭىزدى شەشىمدەر قابىلداۋداعى جوعارى ەركىندىك دەڭگەيى (5) جانە جەمقورلىقتىڭ تومەن دەڭگەيى (4) باقىتتى ەتىپ وتىر. ۇلىبريتانيا، ا ق ش جانە كانادانىڭ تاۋەلسىز عالىمدارىنىڭ مىندەتى پلانەتانىڭ ءار بۇرىشىنداعى ادامداردىڭ ءومىرىن ولاردىڭ باقىت تۋرالى جەكە ۇعىمىمەن باعالاۋىن انىقتاۋ بولاتىن. ەسەپتە تەك ومىرلىك قۇندىلىقتار عانا ەمەس، سونىمەن قاتار، جاعىمدى ءارى جاعىمسىز سەزىمدەر دە قاراستىرىلدى. ەسەپ بويىنشا مىناداي تەندەنتسيا انىقتالدى:
ەل جۇرتتىڭ كوبەيۋىنە قاراماستان الەمدە باقىتتى ادامدار سانى ازايۋدا. سول سەكىلدى عالىمدار ۋايىم- قايعا جانە اشۋ سياقتى جاعىمسىز سەزىمدەردىڭ ءوسۋىن بايقاعان. بۇرىن مۇنداي سەزىمدەر ءجيى ازيا مەن افريكادا بايقالسا، قازىر باسقا دا ايماقتاردان ونىڭ كوبەيۋى كورىنگەن. باقىت دەڭگەيى تومەن ەلدەر تومەن ءومىر ۇزاقتىعىمەن، ەكونوميكالىق، ساياسي جانە الەۋمەتتىك كۇيزەلىستىڭ بار بولۋىمەن ەرەكشەلەنەدى.
يەمەن، ءۇندىستان، سيريا، بوتسۆان جانە ۆەنەسۋەلدە ەڭ تومەن باقىت دەڭگەيى بايقالعان. باقىتتى ەلدەر تىزىمىندە رەسەي 68 ، قازاقستان 60- ورىندا تۇر. عالىمدار مىناداي قورىتىندىعا كەلدى: الەم جىلدام وزگەرۋدە، قازىر ءبىز جاڭا داۋىرگە اۋىساتىن كەزەڭدە ءومىر ءسۇرىپ جاتىرمىز. ال ول ادامداردا سەنىمسىزدىك سەزىمىنىڭ جانە قاربالىستىڭ ارتۋىنا اكەلەدى. سوندىقتان مەملەكەت باسشىلارى وسى ماسەلەگە اسا ءمان بەرۋ كەرەك.
Massaget.kz