Agence France-Presse دەرەگى بويىنشا، پارلامەنت مۇشەلەرى زاڭ جوباسىن 13 ساعاتتىق پىكىرتالاستان كەيىن قابىلداعان. بۇدان كەيىن ول سەناتتىڭ قاراۋىنا جىبەرىلەدى. ول 27 - مامىردا وتەدى.
اتاپ ايتقاندا، زاڭ جوباسىندا شىركەۋدى جوندەۋگە كومەك كورسەتەتىن ادامدارعا سالىقتىق جەڭىلدىكتەر بەرۋ تۋرالى ايتىلعان.
اۆتورلاردىڭ ويىنشا، زاڭ سونداي- اق قالپىنا كەلتىرۋ بويىنشا ءبىرقاتار شەشىمدەر قابىلداۋدى جەڭىلدەتىپ، سونىڭ ىشىندە مەملەكەتتىك ساتىپ الۋ شاراسىن وتكىزۋدىڭ كەيبىر نورمالارىنان بوساتادى. سونىمەن قاتار، زاڭدا شىركەۋدى جوندەۋ ءۇشىن جينالعان قاراجاتتىڭ جۇمسالۋىن قاداعالاۋ جونىندەگى ارنايى كوميتەت قۇرۋ كوزدەلگەن.
ەسكە سالايىق، نوتر- دام شىركەۋىندە ءورت 15 - ءساۋىر كۇنى كەشكىسىن شىققان ەدى، ونى تەك كەلەسى كۇنى تاڭەرتەڭ عانا سوندىرە العان بولاتىن. الدىن الا دەرەكتەر بويىنشا، ءورت عيماراتتىڭ جوعارعى بولىگىندە جوندەۋ جۇمىستارىن جۇرگىزۋ كەزىندە تۇتانعان.