الماتىدا داڭق مەموريالىنا گۇل شوقتارى قويىلدى

الماتى. قازاقپارات - مىڭداعان الماتىلىق داڭق مەموريالىنىڭ قاسىنا جينالىپ، گۇل شوقتارىن قويدى، دەپ حابارلايدى قازاقپارات ءتىلشىسى.

قالا اكىمى باۋىرجان بايبەكتىڭ ايتۋىنشا، جەڭىستىڭ قۇنى قازاقستان ءۇشىن تىم قىمباتقا ءتۇستى. سول جىلدارى حالقى نەبارى 6 ميلليون بولعان ەل مايدانعا ازاماتتارىنىڭ % 20- ىن جىبەرۋگە ءماجبۇر بولدى. قاندى سوعىستان ەكىنىڭ ءبىرى ورالمادى.

«قۇرمەتتى سوعىس جانە ەڭبەك ارداگەرلەرى! سىزدەردى ۇلى جەڭىس كۇنىمەن قۇتتىقتايمىز! بۇل قاسيەتتى كۇندە بىزگە ازاتتىق سىيلاعان باتىرلارعا باسىمىزدى يەمىز. قازاقستاندىقتار مايداننىڭ بارلىق شەبىندە قايتپاس قايسارلىق كورسەتتى.

باۋىرجان مومىش ۇلى، تالعات بيگەلدينوۆ، ءاليا مولداعۇلوۆا، مانشۇك مامەتوۆا، نۇركەن ابدىروۆتەردىڭ اتتارىمەن قازىر ءبىز ماقتانا الامىز. بۇل كىسىلەردىڭ ەسىمى تاريحتا التىن ارىپتەرمەن جازىلدى. سوعىس جىلدارىندا بارلىق كاسىپورىندار اسكەري ءونىم شىعارۋعا كوشتى. 10 وقتىڭ 9 ى قازاقستاننىڭ قورعاسىنىنان قۇيىلدى. بۇكىلوداقتىق مىستىڭ % 35- ى، قورعاسىننىڭ % 83، موليبدەننىڭ % 80- ى قازاقستاندا شىعارىلدى. مايدانعا كەتكەن 1 ميلليون 200 مىڭ ادامنىڭ 160 مىڭى الماتىلىق بولاتىن»، - دەدى قالا باسشىسى.

گۇل شوقتارىن قويۋعا جينالعان جۇرت قازا بولعان ساربازداردى 1 مينۋت ۇنسىزدىكپەن ەسكە الدى.

اۆتور: گۇلميرا عوسمانالي