اۆتوردىڭ جازۋىنشا، 5G جۇيەسىن ەنگىزۋ اۋا رايىن بولجاۋعا كەدەرگى تۋعىزىپ، اۋا رايىن بولجاۋعا جاۋاپ بەرەتىن جەر سەرىكتەردىڭ جۇمىسىنا كەرى اسەر ەتەدى.
«مەتەورولوگتاردىڭ ايتۋىنشا، بۇكىل الەم بويىنشا ىسكە قوسىلادى دەپ دايىندالىپ جاتقان 5G جەلىسى ارنايى سپۋتنيكتىك قۇرالداردىڭ سەزىمتالدىعىنا كەرى اسەر ەتىپ، اۋا رايى وزگەرىستەرىنە مونيتورينگ جاساۋعا كەرى اسەر ەتەتىن بولادى» دەپ جازادى اۆتور.
ونىڭ ايتۋىنشا، بۇنىڭ سالدارىنان اۋا رايى ناشارلاعان جاعدايدا، مىسالى، قاتتى داۋىلداردى ەسكەرتۋ قيىنعا سوعۋى مۇمكىن. بۇل ءوز كەزەگىندە ادام ومىرىنە قاۋىپ توندىرەدى.
«5G جەلىسى قاتتى داۋىلدار مەن سۋ تاسقىندارىن بولجاۋعا كەدەرگى كەلتىرەدى. تۇپتەپ كەلگەندە بۇل ءولىم مەن ءومىر ماسەلەسى. وسى ماسەلە مەتەورولوگتاردى قاتتى الاڭداتادى»، - دەيدى اۋا رايى ەۋروپالىق ورتالىعىنىڭ مامانى توني ماكناللي.
ونىڭ ايتۋىنشا، 5G تەلەفون جەلىسىنىڭ جوعارى جىلدامدىعى سۋ بۋىنا ۇقساس جيىلىكپەن تارايتىندىقتان، اۋا رايىن ناقتى بولجاۋعا كەدەرگىلەر كەلتىرىلەتىن بولادى.
«بۇل - وتە ۇلكەن جاھاندىق پروبلەما. سەبەبى ءبىز بۇل جاعدايدى ۋىسىمىزدان شىعارعان سايىن ونىڭ كەرى اسەرى ارتا بەرەدى»، - دەيدى ۆيسكونسين- مەديسون ۋنيۆەرسيتەتىنىڭ مەتەورولوگى دجوردان گەرت.
اۆتور: ايكۇمىس بولاتبەك