پرەزيدەنت جايىندا مەكتەپ قابىرعاسىندا تانىسقان دوسى اندرەي انتونەكو «كومسومولسكايا پراۆدا» باسىلىمىنا ايتىپ بەردى دەپ حابارلايدى KAZ. NUR. KZ.
قاسىم- جومارت توقايەۆ (جوعارىدا)، اندرەي انتونەنكو (تومەندە)، 1970-جىل.
2008-جىل. ب ۇۇ باس اسسامبلەياسى سەسسياسىنان كەيىن . فوتو: kp.kz
انتونەنكونىڭ سوزىنشە، ول توقايەۆپەن مىقتى ۇستازدار قۇرامىمەن جانە اتاقتى تۇلەكتەرىمەن تانىلعان 25- مەكتەپتە ءبىلىم العان.
مەملەكەت باسشىسىنىڭ زامانداسى پرەزيدەنتتىڭ مەكتەپتە سوڭعى پارتادا وتىرعانىن ەسكە الدى. الايدا، ونىڭ سەبەبى ۇستازداردان جاسىرىنۋ ەمەس، بويىنىڭ ۇزىندىعى بولعان ەكەن. سەبەبى، ەل باسشىسىنىڭ بويىنان كوپتەگەن سىنىپتاستارى تاقتاداعى جازۋدى كورە الماعان.
سونىمەن قاتار، قاسىم-جومارت توقايەۆ مەكتەپتەگى «مولودىە پوبەگي» قابىرعا گازەتىن دايىنداۋعا قاتىسىپ، «يستوريچەسكايا پوبەدا» سىندى ماقالا دا جازعان.
ودان بولەك، بولاشاق پرەزيدەنت ءتۇرلى كورمەلەردە، وليمپيادا مەن جارىستاردا بوي كورسەتكەن.
كوپتەگەن سايىستاردا العاشقى ورىنداردى ەنشىلەگەن توقايەۆ «ك س ر و سپورت شەبەرىنە ۇمىتكەر» دە بولعان.
قازىرگى پرەزيدەنت جاس ءوسپىرىم كەزىندە مۋزىكاعا دا قىزىققان ەكەن. بولاشاق ساياساتكەر بالا كەزىنەن الماتىلىق «جەتىگەن» توبىنىڭ مۋزىكانتتارى ساعىناي ابدۋللين مەن الىبەك دىنىشيەۆپەن دوس بولىپتى.
مەكتەپ قابىرعاسىندا قاسىم-جومارت توقايەۆ «كەشىرىڭدەر، جاعدايلار سايكەس كەلمەدى» دەگەن سوزدەردى كوپ ايتقان. اسىرەسە، بۇل جاۋاپتى قىدىرۋعا شاقىرعان دوستارى كوپ ەستىگەن ەكەن.
انتونەنكونىڭ ويىنشا، توقايەۆ بارىنەن بۇرىن ەسەيىپ، ءوز ۋاقىتىن بىلىمگە كوپ ارناعان.
الايدا، مەكتەپ قابىرعاسىندا ەش تەنتەكتىك بولمادى دەۋگە نەگىز جوق. سەبەبى، ولار كەيدە تاقتانى سابىنمەن ءسۇرتىپ، ۇجىمدىق كەشتەر ۇيىمداستىرعان.