ۇلتتىق كينونى قولداۋ ورتالىعى اكسيونەرلىك قوعامىنا جاڭا باسشى كەلدى

نۇر- سۇلتان. قازاقپارات - «ۇلتتىق كينونى قولداۋ ورتالىعى» كوممەرتسيالىق ەمەس اكسيونەرلىك قوعامىنىڭ باسقارما ءتوراعاسى قىزمەتىنە اندرەي حازبۋلاتوۆ تاعايىندالدى.

 بۇل تۋرالى ق ر مادەنيەت جانە سپورت ءمينيسترى ارىستانبەك مۇحامەدي ۇلى Facebook پاراقشاسىندا جازدى، دەپ حابارلايدى قازاقپارات.

«دوستارىم، بۇگىن مەنىڭ بۇيرىعىمەن «ۇلتتىق كينونى قولداۋ ورتالىعى» كوممەرتسيالىق ەمەس اكسيونەرلىك قوعامىنىڭ باسقارما ءتوراعاسى بولىپ اندرەي حازبۋلاتوۆ تاعايىندالدى. اندرەي حازبۋلاتوۆ - فيلوسوفيا دوكتورى (PhD)، قاۋىمداستىرىلعان پروفەسسور، 2050 -جىلعا دەيىنگى ق ر مادەني ساياساتى تۇجىرىمداماسى، «كينو تۋرالى» ق ر زاڭىنىڭ ازىرلەۋشى اۆتورلاردىڭ ءبىرى»، - دەپ جازدى مينيستر.

ءتۇرلى جىلدارى ول ت. جۇرگەنوۆ اتىنداعى قازاق ۇلتتىق ونەر اكادەمياسىنىڭ ۇستازى، پرورەكتورى، ق ر مادەنيەت جانە سپورت مينيسترلىگىنىڭ «قازاقستان حالقىنىڭ رۋحاني دامۋ قورى» ا ق- نىڭ پرەزيدەنتى، قازاق عىلىمي- زەرتتەۋ مادەنيەت ينستيتۋتىنىڭ باس ديرەكتورى قىزمەتتەرىن اتقاردى.

ادەبيەت پەن ونەر قايراتكەرلەرى مەملەكەتتىك ستيپەندياسىنىڭ يەگەرى، ۇلتتىق عىلىمي كەڭەستىڭ مۇشەسى، عىلىم مەن تەحنيكا سالاسىنداعى ۇزدىك جەتىستىكتەرى ءۇشىن قازاقستان رەسپۋبليكاسىنىڭ تۇڭعىش پرەزيدەنتى - ەلباسى قورى سىيلىعىنىڭ لاۋرەاتى، قازاقستاننىڭ ەڭبەك سىڭىرگەن قايراتكەرى، قازاقستان رەسپۋبليكاسىنىڭ يۋنەسكو جانە يسەسكو جونىندەگى ۇلتتىق كوميسسياسىنىڭ مۇشەسى.

مادەنيەت جانە ونەر سالاسىنداعى وتاندىق جانە شەتەلدىك جوبالاردىڭ عىلىمي جانە كوركەمدىك جەتەكشىسى. 50-دەن اسا عىلىمي باسىلىمدار مەن 2 مونوگرافيانىڭ اۆتورى.