لوس-اندجەلەستەگى بۋلۆارعا باراك وبامانىڭ ەسىمى بەرىلدى
لوس-اندجەلەستىڭ كارتاسىندا باراك وباما اتىنداعى بۋلۆار پايدا بولدى. مەگاپوليستىڭ وڭتۇستىك-شىعىس بولىگىندە ورنالاسقان كوشە رودەو-روۋد دەپ اتالعان ەدى. بۋلۆاردىڭ سالتاناتتى اشىلۋىنا لوس-اندجەلەستىڭ مەرى ەريك گارسەتتي قاتىستى.
بۇل كوشەگە باراك وبامانىڭ اتى بەكەر تاڭدالماعان. قالا بيلىگىنىڭ ايتۋىنشا، باراك وباما ءوزىنىڭ العاشقى سايلاۋالدى كامپانياسىن 2007-جىلدىڭ 20- اقپانىنا ءدال وسى رودەو-روۋد ماڭىنداعى ساياباقتا وتكىزگەن.
«رودەو روۋد ەندى رەسمي تۇردە باراك وباما دەپ اتالادى. وسى كوشەگە كەلگەن ءاربىر ۇرپاق ءبىزدىڭ ەلىمىزدىڭ العاشقى قارا ءناسىلدى پرەزيدەنتىنىڭ ەسىمىن كورە الادى»، - دەپ جازىلعان قالالىق كەڭەستىڭ Twitter پاراقشاسىندا.
ايتا كەتەيىك، لوس-اندجەلەستە كوشە اتى بۇرىنعى پرەزيدەنت ەسىمىمەن العاش رەت اتالىپ جاتقان جوق. قالادا ۆاشينگتون، دجەففەرسون، ادامس بۋلۆارلارى دا بار. ال بۇل كوشەگە باراك وبامانىڭ ەسىمىن بەرۋ 2017-جىلى ۇسىنىلعان بولاتىن. ال ناقتى كەلىسىم بىلتىر تامىز ايىندا قابىلداندى.