بيىل قازاقستاننان قانشا ادام قاجىلىققا بارادى؟
«رامازان ايىنان كەيىن 70 كۇننەن سوڭ كەلەتىن بەس پارىزدىڭ ءبىرى - ۇلكەن قاجىلىق ساپارى دايىن تۇر. ۇلكەن قاجىلىق 11 - تامىز - قۇربان ايت كۇنى بەلگىلەنىپ وتىر. تامىز ايىنىڭ 4-5 نەن باستاپ ساۋد ارابياسى مەملەكەتىنە ەلىمىزدەن 3200 گە جۋىق ادام قاجىلىق پارىزىن وتەۋ ماقساتىندا ساپارعا اتتانادى» ، - دەيدى قازاقستان مۇسىلماندارى ءدىني باسقارماسى قاجىلىق ءبولىمىنىڭ مەڭگەرۋشىسى ءجاندىلدا بەكجىگىتوۆ ورتالىق كوممۋنيكاتسيالار قىزمەتىندە وتكەن باسپا ءسوز ءماسليحاتىندا.
ونىڭ ايتۋىنشا، 2006 -جىلدان بەرى ق م د ب مەن ساۋد ارابياسى مەملەكەتىنىڭ قاجىلىق ىستەر جونىندەگى مينيسترلىگىمەن اراداعى كەلىسىمشارتتىڭ نەگىزىندە ەلىمىزدەن قاجىلىققا باراتىندار مەنينگوكوكقا قارسى ۆاكتسيناتسيادان ءوتىپ، ينفەكتسيا جۇقتىرماۋ امالدارىن جاساپ بارۋعا مىندەتتەلەدى.
«وسىعان وراي، ءبىزدىڭ دەنساۋلىق ساقتاۋ مينيسترلىگىمەن بىرلەسە وتىرىپ، 15 - مامىردان باستاپ قاجىلىققا بارۋشىلار ءۇشىن ەلىمىزدىڭ 8 قالاسىنداعى 14 مەديتسينالىق ۇيىمىندا مەنينگوكوكقا قارسى ەكپە جۇمىستارى باستالادى. سونداي- اق، ەكپەنىڭ نەگىزگى ماقساتى - افريكادان كەلەتىن مۇسىلمانداردىڭ اراسىنداعى مەنينگوكوكك ينفەكتسياسىنىڭ كوپ تارالۋىنا وراي ەكپەنى جاساتۋ مىندەتتى بولىپ تابىلادى» ، - دەيدى ءجاندىلدا بەكجىگىتوۆ.
ايتا كەتسەك، بۇگىن يسلام الەمى ءۇشىن قاسيەتتى، بەرەكەگە تولى، ون ەكى ايدىڭ سۇلتانى سانالاتىن رامازان ايى باستالدى. ورازا 6 - مامىردان 5 - ماۋسىمعا دەيىن جالعاسادى.