قازاقستاننىڭ باس سانيتارى ورازا ۇستاعاندارعا كەڭەس بەردى
«ورازا ۇستاعان جاندار كۇندىز سۋسىن مەن تاماقتى تۇتىنبايتىنى بەلگىلى. ءتىپتى 20 ساعات بويى ءنار تاتپاي جۇرەتىن كۇندەر بولادى. سوندىقتان، تاماقتانۋ بويىنشا بىرنەشە ۇسىنىس ايتساق دەيمىز: تاڭعى (سۋحۋر) جانە كەشكى تاماقتانۋدىڭ (يفتار) ەرەكشەلىگى بار. ەڭ بىرىنشىدەن، كىمگە ورازا ۇستاۋعا بولادى، كىمگە بولمايتىنى تۋرالى ايتقىمىز كەلەدى. جۇكتى ايەلدەر، بالا ەمىزەتىن ايەلدەر، قارت ادامدار، 7 جاسقا تولماعان بالالار، جاۋىنگەرلەر، پسيحولوگيالىق جۇمىستا شەشىم شىعاراتىن جۇمىسكەرلەر ورازا ۇستاماۋى مۇمكىن (.. .) وسى ساناتتاعى ادامدار ورازا ۇستاماسا دا بولادى» ، - دەيدى قر دسم قوعامدىق دەنساۋلىق ساقتاۋ كوميتەتىنىڭ ءتوراعاسى جانداربەك بەكشين و ك ق- دا وتكەن باسپا ءسوز ءماسليحاتىندا.
ونىڭ ايتۋىنشا، قانت ديابەتى اۋرۋى، يپەرتونيا، ينسۋلت جاعدايلارىنا ۇشىراعان ادامدار دا ءوز جاعدايىن ەسكەرۋى ءتيىس.
«اسقازاننىڭ، ىشەكتىڭ جارالارى، گاستريت، سوزىلمالى سىرتقاتقا شالدىققاندار ارينە، ۇستاۋعا بولمايدى. بۇل كەزدە ءبىزدىڭ تۇرعىندارىمىز دارىگەرمەن مىندەتتى تۇردە كەڭەسۋى كەرەك. دارىگەر رۇقسات بەرگەن جاعدايدا عانا ورازا ۇستاعانى ءجون» ، - دەيدى ول.
جانداربەك بەكشين ءوز سوزىندە سۋحۋر مەن يفتار كەزىندە تاماقتىڭ جەڭىل بولۋى كەرەكتىگىنە نازار اۋدارتتى.
«تاماق 20 ساعات بويى قۋات بەرىپ تۇرۋى ءتيىس. سونىمەن بىرگە، ءشول تۋدىرماس ءۇشىن ءبىرقاتار تاعامدار بار. ياعني، كالورياعا باي تاماقتى تۇتىنعان كەزدە سۋ دەنەدەن باياۋ شىعارىلادى. اتاپ ايتقاندا، سۇلى تاعامدارى، بۇرشاق، ءبۇتىن ءداندى ۇننان جاسالعان تاعامدار، كۇرىش جەگەن دۇرىس. تاماق دايىنداۋ كەزىندە مايدىڭ مولشەرىن ەكى ەسە ازايتۋ كەرەك. ەكىنشىدەن، مايدىڭ ورنىنا وسىمدىك، ياعني ءزايتۇن مايىمەن تاماق دايىنداعان دۇرىس. ورازا كەزىندە ءتاتتى تاعامداردان، گازدالعان سۋسىنداردان بويدى اۋلاق ۇستاعان ابزال» ، - دەيدى ول.
باس سانيتار ءوز سوزىندە كوفەين قۇرامىندا بولاتىن گازدالعان سۋسىنداردىڭ، شايدىڭ ورنىنا 8-10 ستاقان جاي سۋدى ءىشۋ كەرەك.
«وسىنداي جاعدايدا شولدەۋ جاعدايى ازايىپ قالادى. سونىمەن بىرگە، تۇزدالعان تاعامداردى ازايتۋ كەرەك. تۇزدىڭ نورماسىن 5 گراممنان ارتتىرۋدىڭ قاجەتى جوق. وسىنداي تالاپتاردى ساقتاساق، ارينە، دەنساۋلىعىمىز زور بولىپ، ورازا ايى جەڭىل وتەدى» ، - دەيدى ول.
بەكشيننىڭ ايتۋىنشا، اۋىزاشار كەزىندە قۇرمانى جەۋدىڭ پايداسى زور.
«كەشكە سۋدى جىلىتىپ ءىشۋ كەرەك. سۋ سالقىن بولماۋى ءتيىس. نەگە دەسەڭىز، جاي سۋدى ءىشۋدىڭ پايداسى - گازدالعان سۋسىندار كلەتكانىڭ سۋىن شىعارىپ، ادام تەز شولدەپ قالادى. مايلى تاماق پەن قۋىرىلعان ەتتى ازايتۋ كەرەك. ول اۋىر تاماق. پايداسى از. كۇننىڭ ەكىنشى جارتىسىندا ادام شىداماي قالۋى مۇمكىن. جوعارىدا اتالعان پايدالى تاعامدار ەنەرگيانىڭ دەنەدەن باياۋ شىعۋىنا مۇرىندىق بولادى» ، - دەيدى باس سانيتار.
ۇيقىعا دا ءمان بەرگەن دۇرىس. جانداربەك بەكشيننىڭ ايتۋىنشا، كۇندىز مۇمكىندىك بولسا، ادام ۇيىقتاپ الۋ كەرەك.
«اۋىر جۇمىستا جۇرگەندەرگە ازداپ ۇيىقتاپ العان دۇرىس. ءبىزدىڭ بارلىق وتباسىمىزدا، ۇجىمىمىزدا دوستىق اتموسفەرا بولۋى ءتيىس. سەبەبى، جامان ەموتسيونالدى جاعدايدا بۇل ادامعا استە ىڭعايلى بولمايدى» ، - دەيدى ول.
ايتا كەتسەك، بۇگىن بۇگىن يسلام الەمى ءۇشىن قاسيەتتى، بەرەكەگە تولى، ون ەكى ايدىڭ سۇلتانى سانالاتىن رامازان ايى باستالدى. ورازا 6 - مامىردان 5 - ماۋسىمعا دەيىن جالعاسادى.