ۇيقى سالى دەگەنىمىز نە؟

نۇر-سۇلتان. قازاقپارات - دۇرىس تاماقتانباۋ، ۇيقتاماۋ، سترەسس پەن ۋايىمشىلدىقتىڭ ناتيجەسى ادامنىڭ ۇيقى ۇستىندە قىسىلۋىنا اكەلەدى.

سلاۆيان حالىقتارىندا بۇل قۇبىلىستى «دوموۆويدىڭ» ارەكەتى دەپ ساناسا، يسلامدا «شايتاننىڭ» ءىسى دەپ ەسەپتەيدى. اتالعان ۇيقىداعى جاعىمسىز دۇنيەلەر ادامنىڭ تۇبەگەيلى سانالى كەزى مەن فيزيولوگياسىنىڭ قيمىلسىزدىعىمەن ەرەكشەلەنەدى.

مەديتسينادا جوعارىداعى ارەكەتسىزدىك شالقاسىنان نە قىرىمەن جاتقاندا ورىن الادى. پروتسەسس ەڭ ءبىرىنشى، سانانىڭ وياۋ بولۋى مەن گالليۋتسيناتسياعا توتەپ بەرەردە دەنە بۇلشىقەتتەرىنىڭ قيمىلداماۋى، اسىرەسە، ناركوناۋقاستار مەن ستۋدەنتتەر اراسىندا ءجيى كەزدەسەدى.

2-3 جىلدان بەرى تۇسىندە توقتامسىز وسىنداي كارتينالار كورەتىن جاس قىزدىڭ وقيعاسى. ءوزى ابيتۋرەنت، ۇبت- عا قىزۋ دايىندىقتا جۇرگەن ءاليا كۇنى مەن ءتۇنى كىتاپتان قول ۇزىلبەيتىن. بىردە بولمەسىندە «شىڭ» كىتاپتى قۇشاقتاپ، وتىرعان جۇمساق ديۆانىندا شالقاسىنان جاتىپ ۇيىقتاپ قاپتى.

تۇسىندە شاشى جالبىراعان الباستىداي كەلىنشەك توبەسىنەن ءتونىپ تۇرا ەكى يىعىنان ۇزاعىنان باسىپ تۇرعان. قىزعا: «سەن ەش ۋايىمداما، ۇ ب ت-نى جاقسى تاپسىرىپ شىعاسىڭ» - دەپ جيمىعان ەكەن. دەنەسىنە الگى ايەلدىڭ وتكىر تىرناقتارى باتسا دا قىز ەش ارتىق ارەكەت جاساي الماپتى. ويىمەن ءدال جانىندا تۇرعان ۇيالى تەلەفونىنا تارتىلدى. اقىرى قورلىقتان قۇتىلىپ، كوزىنەن جاس شىعىپ ويانىپ كەتەدى. باعاناعى قورقىنىشتى جەلى ءوزىن قايتا كەرى ۇيقىعا تارتادى. كوزىن اشىپ، ءبىراز ۋاقىت شامى جانعان بولمەدە وتىرعان.

سەيىلى باسىلعان سوڭ، تومەنگە ءتۇسىپ، جاقىندارىنا بولعان وقيعانى ايتىپ بەرەدى. اناسى بالاسىن ۋايىمداي، جانىنا الىپ جاتىپتى. الەم حالىقتارىنىڭ %7 ى «ۇيقى پاراليچ» كۇيىن باسىنان كەشىرگەن، ويىندا سونىمەن كۇرەسكەن.

حريستيانداردا جامان حاباردىڭ جارشىسى -  دوموۆويلار. يسلامدا -  سايتاندار. عىلىم مەن دىندە ايتارلىقتاي ورىن الاتىن پروتسەستى عالىمدار تۇبىنە دەيىن جەتىپ ءالى زەرتتەي العان جوق.