ادامزات تابيعاتتى قالاي وزگەرتتى
«پيتسبۋرگتە جاراتىلىستانۋ عىلىمىنىڭ تاريحى ورتالىعى بار. وندا جان جانۋارلار اعزاسىنىڭ ەۆوليۋتسياسى مەن قورشاعان ورتا وزگەرىستەرى زەرتتەلەدى. سونىمەن قاتار ادامزات مادەنيەتى مەن بيوتەحنولوگيانىڭ ەۆوليۋتسياعا اسەرى ءجىتى باقىلانادى»، دەپ جازادى اۆتور.
ادامزات عالامشاردىڭ فلوراسى مەن فاۋناسىنا اسەر ەتەنىن ايتا كەلە اۆتور، قازىرگى دامۋ جىلدامدىعى بولاشاقتا تابيعاتقا قالاي اسەر ەتۋى مۇمكىن دەگەن سۇراققا جاۋاپ ىزدەيدى.
«بۇگىنگى تاڭدا ادام اسەر ەتپەگەن تابيعات بولشەكتەرى جوقتىڭ قاسى. ادامزات پايدا بولعاننان باستاپ لاندشافتتى وزگەرتىپ كەلەدى. وزگەرتە بەرەدى دە. ون مىڭ جىل بۇرىن ادام العاش رەت گەنەتيكالىق قۇرامدى وزگەرتىپ، قاجەتتى ءتۇر الۋدى ۇيرەندى. دەگەنمەن، ادامنىڭ باسەكەلەستىگى، قورشاعان ورتاعا كەر اسەرى فاۋنانىڭ كوپتەگەن بولشەگىن جويىپ جىبەرگەن»، دەپ جازادى اۆتور.
ونىڭ ايتۋىنشا، ادامدار تابيعاتقا كەرى اسەرىن بولدىرماۋعا تىرىسۋى مۇمكىن. ءتىپتى، جابايى تابيعاتتى قايتا قالپىنا كەلتىرۋگە تىرىسىپ كورۋى دە عاجاپ ەمەس.
«ءبىر انىعى، گەنەتيكالىق اقپاراتتى بەرۋ فورماسى وزگەرەدى. بيوتەحنولوگيا دامىپ جاتقانىمەن، تابيعي ءداۋىردىڭ وزدىگىنەن دامۋىنا اسەر ەتپەۋ مۇمكىن ەمەس. بارلىعى كليماتتىڭ وزگەرۋ پروبلەماسىنا قارسى كۇرەستى قالاي جۇرگىزەتىنىمىزگە بايلانىستى بولادى. دەگەنمەن، ادامزات قازىرگى تابيعاتقا كوزقاراسىن وزگەرتپەسە، جەرگە قاۋىپ تونەدى»، دەيدى اۆتور.
اۆتور: ايكۇمىس بولاتبەك