جالعىزسىراپ جۇرسەڭ تەلەفونىڭدى تاستا - ب ا ق
ماقالا اۆتورىنىڭ جازۋىنشا، قازىرگى ادامداردىڭ سەزىمى 19- عاسىردا ءومىر سۇرگەن ادامدارعا قاراعاندا كوپ وزگەشە. بۇعان تەحنولوگيالار اسەر ەتكەن.
«زەرتتەۋشىلەر الەۋمەتتىك جەلىلەر ادامدى ءوزىمشىل ەتەدى، كوپشىلىگى جالعىزسىراپ جۇرەدى دەيدى. راسىمەن دە سولاي ما؟»، دەي كەلە اۆتور «Bored Lonely Angry Stupid» اتتى كىتاپ اۆتورى 19-20- عاسرداعى ادامداردىڭ سەزىمدەرى قازىرگى قوعامنان وزگەشە بولعانىن ايتادى.
«تەحنولوگيا قوعام مەن ادامنىڭ ەموتسياسىنا تىكەلەي اسەر ەتەدى. ادامدار ەموتسياسىن كورسەتۋ ءۇشىن تەحنولوگياعا جۇگىنەدى. دەگەنمەن، تەحنولوگيالار دا ادام ەموتسياسىن وزگەرتەدى»، دەپ جازادى اۆتور.
ۆەبەر اتىنداعى ۋنيۆەرسيتەت تاريحشىسى، جوعارىدا اتى اتالعان كىتاپ اۆتورى سيۋزەن دج. مەتتتىڭ ايتۋىنشا، 19- عاسىردا «جالىعۋ، زەرىگۋ» دەگەن تۇسىنىك مۇلدەم بولماعان.
«ەموتسيا تاريحىن زەرتتەۋ جۇمىستارى كورسەتكەندەي، ءار عاسىردا ەموتسيا اتى ادامداردىڭ ىشكى سەزىمىن ءارتۇرلى سيپاتتاعان. ياعني، قازىرگى سەزىم اتتارى كەزىندە مۇلدەم باسقا ەموتسيانى سيپاتتاعان بولۋى مۇمكىن»، دەپ جازادى اۆتور. ونىڭ ايتۋىنشا، 1920-جىلدارى ادامدار راديو وزدەرىن جالعىزدىقتان قۇتقارا الادى دەپ ويلاعان.
«قازىر راديونىڭ ورنىن سمارتفون باستى. سمارتفون ارقىلى ادام جالعىزدىقتان قۇتىلعىسى كەلەدى. الەۋمەتتىك جەلى پايدا بولعالى ادامدار سۋرەتتەرىن وڭدەپ سالادى. وسىلايشا وزدەرىن كورسەتكىسى كەلەدى. وزدەرىن ماڭىزدى سەزىنگىسى كەلەدى. زەرتتەۋشىلەردىڭ ايتۋىنشا، بۇل سەزىم ادامداردى ىزالى ەتە تۇسەدى»، دەپ جازادى اۆتور.