نۇرلان يبرايەۆ - شاحماتتان قازاقستان چەمپيونى
ەلىمىزدىڭ مىقتى 12 شاحماتشىسى چەمپيون اتاعى مەن 2,5 ملە تەڭگە سىيلىق قورى ءۇشىن باق سىناستى. كۇمىس جۇلدە - گروسسمەيستەر پەتر كوستەنكوعا، قولا - گروسسمەيستەر انۋار يسماعامبەتوۆكە بەرىلدى.
«قازاقستان قۇراماسىنىڭ مۇشەلەرىمەن جارىسقا تۇسكەندىكتەن، بۇل ويىن ايتارلىقتاي اۋىر بولدى. شاحماتشىلاردىڭ جاس تولقىنى دا جوعارى دەڭگەيدە وينايدى. جەڭىپ شىعۋ وڭايعا سوققان جوق، دەگەنمەن تاجىريبەنىڭ سەپتىگى ءتيدى»، - دەيدى قىرىق ەكى جاستاعى ن. يبرايەۆ.
قازاقستان چەمپيونى 600 مىڭ تەڭگە سىيلىقتان وزگە 6-16- ماۋسىم ارالىعىندا قىتايدا وتەتىن ازيا چەمپيوناتىندا قازاقستان اتىنان قاتىسۋ قۇقىعىنا يە بولدى. سونداي-اق، وزبەكستاندا وتەتىن تۋرنيرگە دە جولداما الدى.
نۇرلان ءۇشىن بۇل رەسپۋبليكالىق بىرىنشىلىكتەن العان ەكىنشى التىن. ءبىرىنشى جۇلدەسىن شاحماتشى 2005-جىلى وتكەن چەمپيوناتتا يەلەنگەن. كەيىنگى جىلدارى ول جاتتىقتىرۋ بولىپ ءجۇر. بيىلعى رەسپۋبليكالىق بىرىنشىلىككە ن. يبرايەۆ قازاقستاندىق شاحمات فەدەراتسياسىنىڭ اتىنان قاتىستى.