شاڭحايدا قازاقستان حالقىنىڭ بىرلىگى كۇنى اتالىپ ءوتتى

شاڭحاي. قازاقپارات - شاڭحايدا قازاقستان حالقىنىڭ بىرلىگى كۇنىنە وراي فۋتبولدان حالىقارالىق تۋرنير ءوتتى، دەپ حابارلايدى «قازاقپارات» ح ا ا- نىڭ قىتايداعى مەنشىكتى ءتىلشىسى.

ءىس-شارانى ق ر باس كونسۋلدىعى جانە قازاقستان رەسپۋبليكاسى ءبىلىم جانە عىلىم مينيسترلىگى «حالىقارالىق باعدارلامالار ورتالىعىنىڭ» ازيا جانە تىنىق مۇحيتى ەلدەرىندەگى وكىلدىگىنىڭ قولداۋىمەن قىتايداعى قازاقستاندىق ستۋدەنتتەر قاۋىمداستىعىنىڭ شاڭحاي فيليالى ۇيىمداستىردى.

جارىسقا قازاقستان، قىرعىزستان، تاجىكستان، وزبەكستان، رەسەي جانە اراب ەلدەرىنەن 8 ستۋدەنتتىك كوماندا قاتىستى.

ءبىرىنشى ورىندى «ازيا ميكس» كومانداسى، ەكىنشى ورىندى چانچجوۋ قالاسىنان كەلگەن «Chanzhou city» كومانداسى، ءۇشىنشى ورىندى حانچجوۋ قالاسىنان كەلگەن «Hangzhou city» كومانداسى يەلەندى.

ايتا كەتەيىك، قىتايداعى قازاقستاندىق ستۋدەنتتەر قاۋىمداستىعىنىڭ (KSAC) بولىمشەسى ق ح ر- دىڭ 17 قالاسىندا قىزمەت اتقارادى.