كوپبالالى وتباسىلارعا تۇرعىن ءۇي الۋ ءۇشىن جەڭىلدىكپەن نەسيە ۇسىنىلدى
اتالمىش جۇيەنىڭ شارتتارى تۋرالى ق ر يندۋستريا جانە ينفراقۇرىلىمدىق دامۋ مينيسترلىگىنىڭ قۇرىلىس جانە تۇرعىن ءۇي-كوممۋنالدىق شارۋاشىلىق ىستەرى كوميتەتىنىڭ ءتوراعاسى مارحابات جايىمبەتوۆ ايتتى، دەپ حابارلايدى ق ر پرەمەر-ءمينيسترىنىڭ باسپا ءسوز قىزمەتى.
باسپا ءسوز مالىمەتتەرىنە قاراعاندا، جەڭىلدىكپەن نەسيەلەندىرۋ از قامتىلعان، كوپبالالى، تولىق ەمەس جانە مۇمكىندىگى شەكتەۋلى بالالاردى تاربيەلەپ وتىرعان وتباسىلارعا ارنالعان.
م. جايىمبەتوۆ اتاپ وتكەندەي، قارجى تۇرعىن ءۇي قۇرىلىس جيناق بانكى ارقىلى ءۇش جىل بويى 50 ميلليارد تەڭگەدەن ءبولىنىپ وتىراتىن بولادى. بارلىعى 18 مىڭ زايم بولىنەدى.
«ءۇش اينالىم بولادى دەپ جوسپارلاپ وتىرمىز. سوندا 25 جىل ىشىندە 56 مىڭ زايم بولىنەدى. 56 مىڭ زايم - بۇل تيىسىنشە، 56 مىڭ پاتەر. پايىزدىق مولشەرلەمەسى - %2. نەسيەلەندىرۋ مەرزىمى - 20 جىل. باستاپقى جارناسى - . 18 مىڭ زايمعا 150 ميلليارد تەڭگە ءبولىندى»، - دەدى كوميتەت ءتوراعاسى.
ونىڭ ايتۋىنشا، 2019 -جىلعى 1 -قاڭتارداعى جاعداي بويىنشا تۇرعىن ءۇي الۋ كەزەگىندە 487 مىڭ ادام تۇردى. ونىڭ ىشىندە حالىقتىڭ الەۋمەتتىك ءالجۋاز توپتارىنان 220 مىڭعا جۋىق ادام بار. كوپبالالى، از قامتىلعان وتباسىلار - 28126 ادام. I توقساندا ولاردىڭ سانى 3 مىڭ ادامعا ارتتى. قازىر بۇل كەزەكتە 31700 استام ادام تۇر.
«7 جىل بويى جىل سايىن اكىمدىكتە كەزەكتە تۇرعاندار ءۇشىن 40 مىڭنان استام جالعا بەرىلەتىن تۇرعىن ءۇي سالىنادى. جىل سايىن 6 مىڭ پاتەر پايدالانۋعا بەرىلەدى. كوپبالالى انالار مەن «التىن القا»، «كۇمىس القا» يەگەرلەرى جانە «باتىر انا» اتاعىن العاندار ءۇشىن جەكە كەزەك بولادى. ولار جالعا بەرىلەتىن تۇرعىن ءۇيدى ءبىرىنشى كەزەكتە الۋ قۇقىعىنا يە»، - دەدى م. جايىمبەتوۆ.
سونىمەن قاتار، كوپبالالى وتباسىلارعا تۇرعىن ءۇي الۋ قۇقىعىن بەرەتىن تۇرعىن ءۇي سەرتيفيكاتىن ەنگىزۋ جوسپارلانعان.
«ءبىز قازىر تۇرعىن ءۇي سەرتيفيكاتى بويىنشا ەرەجەلەردى ازىرلەپ جاتىرمىز. جەرگىلىكتى اتقارۋشى ورگاندار ارقىلى 5 -جىل ىشىندە 85 ميلليارد ت گ بولىنەدى. ءاربىر اكىمدىك ءوز مۇمكىندىگىنشە قاراجات بولەدى. ەگەر بۇعان دەيىن وسىنداي قاراجات دارىگەرلەر، مۇعالىمدەر، پوليتسەيلەر ءۇشىن «نۇرلى جەر»، «7-20-25» باعدارلامالارى بويىنشا بولىنسە، ەندى كوپبالالى، تولىق ەمەس جانە مۇمكىندىكتەرى شەكتەۋلى بالالاردى تاربيەلەپ وتىرعان وتباسىلارعا بەرىلسىن دەگەن ۇسىنىس بار»، - دەپ تۇيىندەدى كوميتەت ءتوراعاسى.