ناۋقاستىڭ باۋىرىن جىلدام اۋىستىرعان شىمكەنت دارىگەرلەرى رەكورد ورناتتى
بۇرىن مۇنداي كۇردەلى وتا 13-18 ساعات ۋاقىتتا جاسالاتىن، دەپ جازادى «وسكەن ءوڭىر» شيەلى اۋداندىق قوعامدىق- ساياسي گازەتى.
ترانسپلانتاتسيا 38 جاستاعى ەر ازاماتقا جاسالىپتى. ناۋقاس بۇعان دەيىن نۇر- سۇلتان جانە الماتى قالالارىندا ەم قابىلداعان. ال الماتىدا دارىگەرلەر ناۋقاسقا ترانسپلانتاتسيا جاساۋدان باس تارتقان ەكەن. شىمكەنتتە وسىنداي سيپاتتاعى وتالاردىڭ جاسالۋ تاجىريبەسى مول ەكەندىگىن ەستىگەن جىگىت تولىق مەديتسينالىق تەكسەرۋدەن ءوتىپ، دارىگەرلەر ونى باۋىر الماستىرۋ وپەراتسياسىنا دايىنداعان.
قاجەتتى ەم دوم شارالارىن تولىق قابىلداعان وعان 34 جاستاعى تۋىسى دونور بولىپتى. كۇردەلى وتانى اۋرۋحانانىڭ باس دارىگەرى ابىلاي دونباي باستاعان بىلىكتى اق حالاتتىلار جاسادى، دەلىنگەن اۋداندىق باسىلىمنىڭ ماقالاسىندا.
«كۇردەلى وتانى بارىنشا از ۋاقىتتا جاساۋ وپەراتسيا كەزىندەگى قان جوعالتۋدى ازايتىپ، ناركوز پرەپاراتتارىنا جۇمسالاتىن شىعىننىڭ ازايۋۋىنا سەپ بولدى. ناۋقاستىڭ جاراسى تەز جازىلىپ، قالىپقا كەلۋى دە تەز. كەلەشەكتە ترانسپلانتاتسيانى بۇدان دا جىلدام ۋاقىتتا جاساۋدى جوسپارلاپ وتىرمىز».