ق ر پرەزيدەنتتىگىنە ءبىرىنشى كانديدات تىركەلدى
ق ر و س ك حاتشىسى ءسابيلا مۇستافينانىڭ اتاپ وتۋىنشە، قاسىم- جومارت كەمەل ۇلى «قازاقستان رەسپۋبليكاسىنداعى سايلاۋ تۋرالى» قازاقستان رەسپۋبليكاسى كونستيتۋتسيالىق زاڭىنىڭ 54 جانە 55-بابىنا سايكەس ءتيىستى قۇجاتتارىن وتكىزگەن.
«2019 -جىلعى 9 - ماۋسىمعا تاعايىندالعان ق ر پرەزيدەنتىنىڭ كەزەكتەن تىس سايلاۋىندا قاسىم- جومارت كەمەل ۇلى توقايەۆتى ق ر پرەزيدەنتتىگىنە كانديدات رەتىندە تىركەۋ تۋرالى قاۋلى جوباسى دايىندالدى. قاۋلى جوباسىندا كەلەسى ماسەلەلەر قاراستىرىلعان: ق. ك. توقايەۆ 2019 -جىلعى 9 - ماۋسىمعا تاعايىندالعان ق ر پرەزيدەنتىنىڭ كەزەكتەن تىس سايلاۋىندا ق ر پرەزيدەنتىنە كانديدات رەتىندە تىركەلسىن. پرەزيدەنتكە كانديدات ق. ك. توقايەۆقا ءتيىستى كۋالىك بەرىلسىن. ق. ك. توقايەۆ ارناۋلى ۋاقىتشا شوتتى اشۋ ءۇشىن «قازاقستان حالىق جيناق بانكى» ا ق- نا پرەزيدەنتتىككە كانديدات بولىپ تىركەلگەنى تۋرالى مالىمەتتەر ۇسىنىلسىن. ب ا ق- تا ق. ك. توقايەۆتىڭ ق ر پرەزيدەنتتىگىنە كانديدات بولىپ تىركەلگەنى تۋرالى حابار جاريالانسىن»، - دەدى س. مۇستافينا.
ق ر ورتالىق سايلاۋ كوميسسياسىنىڭ مۇشەلەرى قاۋلى جوباسىنا داۋىس بەرىپ، ول ءبىراۋىزدان قابىلداندى. وسىدان كەيىن ق ر و س ك ءتوراعاسى بەرىك يماشيەۆ پرەزيدەنتتىككە كانديدات قاسىم- جومارت توقايەۆتىڭ جۇمىس ساپارىندا بولۋىنا بايلانىستى ءتيىستى كۋالىكتى ونىڭ سەنىمدى وكىلى «Nur Otan» پارتياسى ءتوراعاسىنىڭ ءبىرىنشى ورىنباسارى ماۋلەن اشىمبايەۆقا تابىس ەتتى.
اۆتور: مارلان جيەمباي