شەكارانى جاياۋ كەسىپ وتكەن رەسەيلىك ۇستالدى

نۇر- سۇلتان. قازاقپارات - قوردايدا قىرعىزستاننان شەكارانى جاياۋ كەسىپ وتكەن 30 جاستاعى رەسەيلىك ۇستالدى، دەپ حابارلايدى ق ر  ۇ ق ك ش ق باسپا ءسوز قىزمەتى.

«قورداي شەكارا وتريادىنا قاراستى «قاراساي باتىر» زاستاۆاسىنىڭ اۋماعىندا قىرعىز رەسپۋبليكاسىنان قازاقستانعا قاراي شەكارانى بۇزىپ وتكەن اادام ۇستالدى. شەكارا جاساعى شەكاراعا قاراي جاياۋ كەلە جاتقان بەيساۋات ادامدى بايقاعان. ۇستالعان ادام 1989 -جىلعى رەسەي فەدەراتسياسىنىڭ ازاماتى بولىپ شىقتى»، دەلىنگەن حابارلامادا.

سونىمەن قاتار، شەكاراشىلار كورشى ەلدىڭ اۋماعىنان وقيعانى باقىلاپ تۇرعان ادامنىڭ سۇلباسىن بايقاپ، قىرعىز رەسپۋبليكاسىنىڭ شەكاراشىلارىنا حابار بەرەدى. دەر كەزىندە بەرىلگەن اقپاراتتىڭ ناتيجەسىندە، قىرعىز ارىپتەستەر شەكارا سىزىعىنا دەيىن ىلەسىپ كەلگەن سەرىگىن، ايەل ادامدى ۇستادى. ول 1980 -جىلعى رەسەي فەدەراتسياسىنىڭ ازاماتشاسى بولىپ شىقتى.

قازىر وقيعاعا قاتىستى تەكسەرۋ جۇمىستارى جۇرگىزىلىپ جاتىر.