اقپارات جانە قوعامدىق دامۋ ءمينيسترى زاڭسىز ميتينگىلەرگە قاتىستى ايتتى
«شىنىندا دا، ازاماتتاردىڭ ميتينگىسى ءوتتى. ولاردىڭ ءبارى دە سانكسيالانباعان. ءبىراق، وسىعان قاراماستان، اكسياعا قاتىسۋشىلار ەركىن تۇردە وزدەرىنىڭ قوعامدىق پوزيتسياسى مەن الەۋمەتتىك ماسەلەلەر بويىنشا ويلارىن اشىق ايتتى. وزدەرىڭىز بىلەتىندەي، ءدال وسىنداي شەرۋلەردى ءبىز الەمنىڭ ءاربىر تۇكپىرىنەن كورىپ وتىرمىز. قازاقستاندا اكىمدىك وكىلدەرى ميتينگكە جينالعانداردىڭ الدىنا شىعىپ، ولاردىڭ شاعىمدارىن تىڭدادى. ءبىز كونسترۋكتيۆتى ديالوگ جۇرگىزۋگە دايىنبىز»، - دەدى داۋرەن ابايەۆ
مينيستر ءوز سوزىندە كەيبىر ازاماتتاردىڭ ۇستالعانىن دا راستادى.
«كەيبىر ازاماتتار وزدەرىن اگرەسسيۆتى ۇستادى جانە سوعان سايكەس شارا قولدانۋعا ءماجبۇر ەتتى. ءبىراق، ونىڭ الدىندا ولارعا بىرنەشە رەت ەسكەرتۋ جاسالعانىن ايتا كەتۋ كەرەك. بۇگىنگى تاڭدا ازاماتتارعا وسىنداي اكسيالاردى زاڭدى تۇردە وتكىزۋگە رۇقسات الۋ ءۇشىن ەش كەدەرگى جوقتىعىن ەرەكشە اتاپ وتەر ەدىم»، - دەدى ول.
ەسكە سالا كەتسەك، كەشە ق ر ىشكى ىستەر مينيسترلىگى ەلىمىزدىڭ ءبىرقاتار قالالارىنداعى سانكسيالانباعان ميتينگىلەر مەن ادامداردىڭ جيىنىنا قاتىستى جاعدايعا تۇسىنىك بەرگەن بولاتىن.
اۆتور: ايان بەكەن ۇلى