كۇرىش سەمىزدىكتەن ساقتايدى

استانا. قازاقپارات -  كۇرىشتىڭ دەنساۋلىققا پايداسى جايلى شىندىق پەن سەنىم از ەمەس. جۋىردا جاپون عالىمدارى بۇل ءونىمنىڭ تاعى ءبىر قاسيەتىن اشتى.

 كۇرىشتىڭ ارىقتاۋعا كومەكتەسەتىنى بۇرىننان- اق ايتىلىپ جۇرگەن، دەگەنمەن كۇنشىعىس ەلىنىڭ ماماندارى ارنايى زەرتتەۋ جۇرگىزىپتى. زەرتتەۋ باقىلاۋ الەمنىڭ 136 ەلىندە وتكەن. ناتيجەسىندە كۇرىشتى كوبىرەك تۇتىناتىن ايماقتا ادامداردىڭ سەمىزدىك كورسەتكىشى تومەن بولعان. زەرتتەۋشىلەر وزگە دە فاكتورلاردى نازارعا العان. ماسەلەن ايماقتارداعى ءومىر ءسۇرۋ دەڭگەيى، دەنساۋلىق كورسەتكىشى، ت. ب.

- كۇرىشتى كوپ وسىرەتىن، كوبىرەك تۇتىناتىن ەلدەردە سەمىزدىك كورسەتكىشى تومەن. سەمىزدىكپەن كۇرەسۋ ءۇشىن جاپون اسحاناسى تاعامدارىن، ازيالىق ديەتانى ۇستانعان ءجون- اق. ياكي كۇرىشتەن جاسالعان تاعامداردى كوبىرەك جەۋ كەرەك. الەمدە سەمىزدىك دەرتىنەن زارداپ شەگىپ وتىرعان ەلدەر از ەمەس. اسىرەسە باتىستاعى مەملەكەتتەر. نەگىزىنەن ولارعا سەمىزدىكپەن كۇرەسۋ ءۇشىن كۇرىش تاعامدارى كومەك بولا الادى، - دەيدى Doshisha كوللەدجىنىڭ پروفەسسورى توموكو يماي. كۇرىش ديەتاسى - ارىقتاۋعا ارنالعان، الەمدەگى ەڭ تانىمال ديەتا ءتۇرى. اعزانى تۇزدان، قاجەتسىز زاتتاردان تازارتادى. دەگەنمەن ديەتولوگتار كۇرىش تاعامدارىن شامادان كوپ تۇتىنۋ دا زيان ەكەنىن ەسكەرتەدى.

Massaget.kz