قازاقستاندا جەمىس پەن كوكونىس باعاسى ارزاندادى
ەسەپتى كەزەڭدە توقاش ونىمدەرى مەن ءداندى داقىلدار، ەت، بالىق جانە تەڭىز ونىمدەرى، ءسۇت ونىمدەرى، جۇمىرتقا، ماي جانە قانت، كونديتەرلىك ونىمدەر، الكوگولسىز سۋسىندار مەن الكوگول ونىمدەر قىمباتتاپ، جەمىستەر مەن كوكونىستەر ارزاندادى.
اتاپ ايتقاندا، استىق ونىمدەرى باعاسىنىڭ وزگەرگەنى بايقالادى. بيىلعى جىلدىڭ ءساۋىر ايىندا كۇرىشتىڭ ورتاشا باعاسى 1 كيلوگراممعا - 333 تەڭگەنى قۇراسا، وتكەن جىلدىڭ وسى كەزەڭىندە 290 تەڭگە، ال قاراقۇمىقتىڭ باعاسى بيىل - 243 تەڭگە، بىلتىرعى جىلدىڭ وسى كەزەڭىندە - 266 تەڭگە بولعان.
ءساۋىر ايىندا تۇيىرشىكتەلگەن قانتتىڭ ورتاشا باعاسى 1 كيلوگرامعا - 243 تەڭگەنى، ءبىر جىل بۇرىن - 203 تەڭگەنى قۇرادى.
ەت جانە ەت ونىمدەرىنەن سيىردىڭ جاۋىرىن- كەۋدە بولىگىنىڭ باعاسى 2019 -جىلدىڭ ءساۋىر ايىندا 1 كيلوگراممعا - 1575 تەڭگەنى قۇرادى (2018 -جىلدىڭ ءساۋىر ايىندا - 1496 تەڭگە) سۇيەكتى قوي ەتى - 1502 تەڭگە (1403 تەڭگە) ، جىلقى ەتى - 1789 تەڭگە (1641 تەڭگە)، شالا قاقتالعان شۇجىق - 2071 تەڭگە (1895 تەڭگە) ، تاۋىق ەتى - 753 تەڭگە (654 تەڭگە) .