سارسەنبى كۇنى دەمالۋدىڭ پايداسى كوپ - زەرتتەۋ
«مۇنداي كومپانيالار دۇيسەنبى، سەيسەنبى جۇمىس ىستەپ، سارسەنبى دەمالادى. سودان كەيىن بەيسەنبى، جۇما جۇمىسقا شىعىپ، سەنبى، جەكسەنبى قايتا دەمالادى. كومپانيا باسشىلىعىنىڭ ايتۋىنشا، مۇنداي كۇن ءتارتىبى قىزمەتكەرلەردىڭ جۇمىسىن ءتيىمدى ۇيىمداستىرۋعا اسەر ەتكەن»، دەپ جازادى باسىلىم.
اۆتوردىڭ ايتۋىنشا، مۇنداي جۇيە بىلتىر شىلدە ايىندا ەنگىزىلگەن. سول ۋاقىتتان بەرى اۆستراليالىق كومپانيانىڭ تابىسى % 46 كوبەيگەن.
«باسىندا تاجىريبە ەنگىزدىك. ەگەر ناتيجە بولماسا، بۇرىنعى جۇمىس تارتىبىنە كوشەتىنىمىزدى ايتتىق. دەگەنمەن، قازىر قىزمەتكەرلەردىڭ دەنساۋلىعىنا بايلانىستى دەمالىس الۋى ازايدى، كوڭىل كۇيلەرى جاقساردى»، - دەپتى كومپانيا باسشىلىعى.
ماقالا اۆتورىنىڭ جازۋىنشا، دجاررود حاار ەسىمدى پروفەسسور دا ءتورت كۇندىك جۇمىس اپتاسىنىڭ ءساتتى بولاتىنىن، اسىرەسە سارسەنبى كۇنى دەمالۋدىڭ پايداسى كوپ ەكەنىن انىقتاعان.
«جاڭا زەلاندياداعى وكلەند تەحنولوگيالىق ۋنيۆەرسيتەتىنىڭ ادام رەسۋستارىن باسقارۋ پروفەسسورى دجاررود حااردىڭ ايتۋىنشا، اپتا ورتاسىندا دەمالۋ قىزمەتكەرلەردىڭ سەرگەكتىگى مەن جۇمىس ونىمدىلىگىن ساقتاپ قالادى. كوپ جاعدايدا بەيسەنبى كۇنگە قاراي قىزمەتكەرلەردىڭ كوبى ءوزىن شارشاڭقى سەزىنەدى. ال سارسەنبى كۇنگى دەمالىس وعان جول بەرمەيدى»، دەپ جازادى باسىلىم.
اۆتوردىڭ ايتۋىنشا، ەكونوميست دجون مەينارد كەينس 1930 -جىلى جۇمىس اپتاسى 15 ساعاتقا دەيىن قىسقاراتىنىن بولجاعان. شامامەن ءجۇز جىل وتكەن سوڭ كوپشىلىگى جۇمىس اپتاسىنىڭ قۇرىلىمىن قايتا قاراستىرىپ جاتىر.
اۆتور: ايكۇمىس بولاتبەك