ەشتەڭە ىستەمەۋدىڭ دە پايداسى بار
دەگەنمەن، قولىڭنىڭ بوس بولماۋى ءبىز ويلاعانداي جوعارى ستۋتۋستىڭ كورسەتكىشى ەمەس. ال ۇنەمى قوزعالىستا بولۋ ءتۇرلى اۋرۋلارعا شالدىقتىرىپ، دەنساۋلىققا كەرى اسەر ەتەدى. بۇل جاعدايدان شىعۋ ءۇشىن دۇرىس تاماقتانىپ، سپورتپەن اينالىسۋ كەرەكتىگى تۇسىنىكتى. دەگەنمەن، ەشتەڭە ىستەمەۋ، گوللاندتار ايتپاقشى، نيكسەننىڭ دە پايداسى بار»، - دەپ جازادى The New York Times باسىلىمى. اۆتور «ەشتەڭە ىستەمەۋ» دەگەن سوزگە ناقتى انىقتاما بەرۋدىڭ قيىن ەكەنىن جازادى.
«ءىش پىسۋ سەزىمىن زەرتتەيتىن پسيحولوگ دورين دودجەن- مەگي «سيفرلىق الەمدەگى ءومىر مەن تەحنولوگيا تەپە- تەڭدىگى» اتتى كىتاپتا نيكسەندى توقتاپ تۇرعان، ءبىراق قوزعالعىشى جۇمىس ىستەپ تۇرعان كولىكپەن سالىستىرادى. ال ۇلى بريتانياداعى لانكاشير ورتالىق ۋنيۆەسيتەتىنىڭ پسيحولوگى سەندي مانن نيكسەن ادامنىڭ ىستەۋى كەرەك ارەكەتتەردى ىستەمەۋى دەپ تۇسىندىرەدى»، - دەلىنگەن ماقالادا.
اتاپ وتىلگەندەي، مىسالى، نيكسەن يدەياسى ۋاقىتىڭ مەن ەنەرگياڭدى سانالى تۇردە تەرەزەگە بوس قاراپ وتىرۋ نەمەسە قوزعالىسسىز ءبىر ورىندا وتىرىپ وتكىزۋگە سايادى.
«ادامدار مۇنداي ارەكەتتەردى ۋاقىتتى بوسقا وتكىزۋ نەمەسە جالقاۋلىق دەپ اتايدى. مادەنيەت مۇنداي ارەكەتتى قۇپتامايدى. دەگەنمەن، بۇل ارەكەتتىڭ پسيحولوگيالىق دەنساۋلىققا، ءومىر ساپاسىنا، جۇمىس ونىمدىلىگى مەن ءومىردىڭ باسقا سالالارىنا پايداسى كوپ. تەحنولوگيا جاعدايدى وڭايلاتپايدى. ۇنەمى قولىمىز تيمەي، بوس ۋاقىتىمىزدىڭ بولماۋى ميدى وزگەرتەدى. سول ءۇشىن ەشتەڭە ىستەمەۋدىڭ پايداسى زور»، - دەپ جازادى اۆتور.
زەرتتەۋشىلەردىڭ ايتۋىنشا، ەش نارسەمەن اينالىسپاعان كەزدە ادامدار كوپ ارماندايدى. بۇل كرەاتيۆتى ويلاۋعا، پروبلەمالاردىڭ شەشىمىن تابۋعا سەپتىگىن تيگىزەدى.
«ەشتەڭە ىستەمەي بوس وتىرۋ جۇمىس ونىمدىلىگىن ارتتىرا الادى. سول ءۇشىن ادامدار ادەيى ەشتەڭە ىستەمەي بوس وتىراتىن ۋاقىت تابۋلارى كەرەك. ۇنەمى جۇمىسباستى بولۋ مادەنيەتىنە قارسى تۇراتىن كەز كەلدى. نيكسەن جالقاۋلىق بەلگىسى ەمەس، بۇل ءومىردىڭ ماڭىزدى داعدىسى»، - دەپ جازادى The New York Times.
اۆتور: ايكۇمىس بولاتبەك